काठमाडौँ । घरेलु टोली इंग्ल्याण्डले अष्ट्रेलियाविरुद्धको ओडिआई सिरिज अन्तर्गत दोस्रो खेलमा जित हात पारेको छ । आइतबार राति म्यानचेष्टरस्थित ओल्ड ट्राफोर्डमा भएको खेलमा इंग्ल्याण्डले दिएको २३२ रनको लक्ष्य पछ्याएको अष्ट्रेलिया ४८.४ ओभरमा सबै विकेट गुमाएर २०७ रनमै समेटिन पुग्यो । अष्ट्रेलियाका लागि कप्तान आरोन फिन्चले सर्वाधिक अर्थशतक प्रहार गरे । उनले १०५ बलको सामना गर्दै ७३ रन बनाए । यस्तै, मार्नुस लाबुसेचनले ४८ रन बनाउँदा एलेक्स क्यारीले ३६ रन जोडे । प्याट कमिन्स ११, मिचेल स्टार्क शून्य र एडम जाम्पा २ रनमा आउट भए ।इंग्ल्याण्डलाई जित दिलाउन क्रिस वोक्स जोफ्रा आर्चर र साम कुरानले ३/३ विकेट लिए । आदिल राशिदको नाममा १ विकेट रह्यो । आर्चर ‘प्लेयर अफ द म्याच’ चुनिए । त्यसअघि टस जितेर पहिले ब्याटिङ गरेको इंग्ल्याण्डले निर्धारित ५० ओभरमा ९ विकेट गुमाएर २३१ रन बनाएको थियो । इंग्ल्याण्डका लागि कप्तान इओन मवर्गनले सर्वाधिक ४२ रन जोडे । यस्तै, टम कुरानले ३७, जो रुटले ३९, आदिल राशिदले ३५ रन र जेसन रोय २१ रनमा समेटिए । अष्ट्रेलियाक लागि एडम जाम्पाले ३ तथा मिचेल स्टार्कले २ विकेट लिए । यस्तै, जोश हेजलवुड, मिचेल मार्श र प्याट कमिन्सले एक एक विकेट लिए । जितपछि इंग्ल्याण्डले सिरिजमा १/१ को बराबरी गरेको छ । पहिलो खेल अष्ट्रेलियाले १९ रनले जितेको थियो । अब अन्तिम तथा निर्णायक खेल बुधबार हुनेछ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.