चितवन । भरतपुर महानगर २२ को शिवालय पदमपोखरी टोल विकासको हात्ती चोकमा सोमबार डेङ्गु रोग नियन्त्रणका लागि सचेतना कार्यक्रम सम्पन्न गरिएकोछ। जिल्ला जनस्वास्थ्य कार्यालय चितवनका सुपरभाईजर राम केसीले लामखुट्टेको टोकाइबाट लाग्ने डेङ्गु रोगको कारण रोकथाम र न्युनीकरण बारे सहभागीलाई प्रशिक्षण प्रदान गर्नु भएको थियो।

पटिहानी स्वास्थ्य चौकी का प्रमुख नमराज अधिकारीले यो रोगको महामारी फैलिन नदिन सबै जना सचेत हुनुपर्ने बताउनु भयो। यो रोग सार्ने लामखुट्टे दिउँसो सकृय हुने हुँदा टोकाइबाट बच्न सचेत हुनुपर्छ। सफा पानी जमेको स्थानमा लामखुट्टेको लार्भा लाई अनुकूल हुने हुँदा गमला, कुलर ,बिर्को ,अण्डाको खाली खोस्टाहरू ड्रम,टायर आदिम पानी जम्न नदिन सुपरभाईजर केसी ले आग्रह गर्नुभयो। यो रोग लागिसके पछि यसको उपचार नहुने हुँदा ज्यान जान सक्छ उहाँले सचेत गराउनु भयो।

यसको लार्भा नष्ट गर्नु,वातावरणीय सरसफाई मा ध्यान दिनु,झुल प्रयोग गर्नु, र लामखुट्टेको टोकाइबाट बच्नु नै डेङ्गु रोग को रोकथाम हो उहाँले भन्नु भयो। रोगको लक्षण लाई सामान्य ज्वरोको रूपमा मात्र सोचेर सिटामोल को भरमा नपर्न र जतिसक्यो चाँडो स्वास्थ्य संस्थामा पुगेर उपचार गर्न स्वास्थ्य चौकी पटिहानीका प्रमुख नमराज अधिकारीले बताउनु भयो। कार्यक्रम को प्रमुख अतिथि भरतपुर महानगरपालिका कार्यपालिका सदस्य बिना नेपालीले प्रकोप बढिरहेकै समयमा आयोजना गरिएको डेङ्गु नियन्त्रण सम्बन्धि कार्यक्रमको सह्राना गर्नभयो।

कार्यक्रम राप्ती नदी तटीय क्षेत्र सरसफाइ अभियान चितवनको आयोजना शिवालय पदमपोखरी टोल विकास संस्थाको सहआयोजना र जिल्ला जनस्वास्थ्य कार्यालय भरतपुर एवम भरतपुर महानगर को सहकार्य मा सम्पन्न गरिएको अभियानका संस्थापक अपिल घिमिरेले जानकारी गराउनु भयो।

१४ गते गीतानगर बजारमा सचेतना कार्यक्रम सञ्चालन गरिसकिएको र जगतपुर बजारमा पनि कार्यक्रमको तयारी गरिएको घिमिरेले बताउनु भयो।गत वर्ष पनि राप्ती नदी तटीय क्षेत्रमा यि कार्यक्रम गरिएको थियो। शिवालय टोल बिकास संस्थाका अध्यक्ष धिरण लोहोनीको सभापतित्वमा भएको थियो। कार्यक्रम मा लामखुट्टेको लार्भा खोज र नष्ट गर्न फिल्ड अभ्यास समेत गरिएको थियो।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै