चितवन ।  द्वन्द्व प्रभावित महिला जिल्ला सञ्जाल चितवनको पहिलो साधारणसभा तथा अधिबेशन सम्पन्न भएको छ । अधिबेशनले पुन पार्वती खड्काको अध्यक्षतामा ११ सदस्यीय नयाँ कार्यसमिती सर्वसम्मत चयन गरेको छ । समितीको उपाध्यक्षमा लालकुमारी सिलवाल , सचिवमा सपना राना, सहसचिव यमकला चुवाई र कोषाध्यक्षमा लक्ष्मी नेपाली चयन हुनुभएको छ ।

यस्तै सदस्यहरुमा ढण्डमाया रोका, लक्ष्मी घले, जमुना सेढाई , रुकमाया अधिकारी, मीना घिसिङ, र रीता बोगटी चयन हुुनुभएको छ । कार्यक्रममा बोल्दै महिला अधिकारकर्मी एवं आदर्श नारी विकास केन्द्रका संस्थापक मीना खरेलले द्धन्द्धप्रभावित महिलाका भोगाई अभिलेखिरकण गरि उनीहरुको ससक्तिकरण र सामाजिक न्यायका लागि सहयोग गर्ने कार्यलाई निरन्तरता दिने प्रतिवद्धता व्यक्त गर्नुभयो ।

उहाँले महिला शान्ती र सुरक्षाका लागि संयुक्त राष्ट्रसंघ सुरक्षा परिषद्बाट पारित प्रस्ताव नम्बर १३२५ र १८२० को कार्यान्वन गर्न सरकारले ल्याएको दोस्रो राष्ट्रिय कार्ययोजना सबै स्थानीय निकायले कार्यान्वयन गरि द्धन्द्धप्रभाभित महिला तथा बालिकाको न्यायमा सहयोग पुर्याउन अनुरोध गर्नुभयो । यस्तै नवनिर्वाचित अध्यक्ष खड्काले ससस्त्र द्धन्द्धका क्रममा पीडित तथा प्रभावित बनेका महिलाहरु एक भई द्धन्द्धको प्रभावलाई कम गर्न र महिला तथा बालिकाको हकहितका लागि संघर्ष गर्ने प्रतिवद्धता व्यक्त गर्नुभएको थियो ।

अधिबेशनबाट सचिव सपना रानाले पेश गर्नुभएको बार्षिक प्रतिवेदन र कोषाध्यक्ष लक्ष्मी नेपालीले पेश गर्नुभएको आर्थिक प्रतिवेदन पारित भएको छ । ससस्त्र द्धन्द्धप्रभावित महिलाको सवालमा काम गर्ने उद्धेश्यले २०७९ सालमा स्थापित यस संस्थाले जिल्लामा आदर्श नारी विकास केन्द्रसंग सहकार्य गर्दै अभियानमुलक कार्यक्रम गरिरहेको छ । संस्थाले आगामी दिनमा सबै द्धन्द्धप्रभावित महिलालाई समेट्दै लिएर जाने अठोट लिएको छ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै