चितवन । जिल्लामा रगतको अभाव हुँदै गएपछि नारायणगढको शहीदचोकमा ५३ महिलासहित एक सय ७९ जनाले रक्तदान गरेका छन् । लायन्स क्लबस् ईन्टरनेशनल डिष्ट्रिक्ट ३२५ आर नेपाल, क्लष्टर ४ को संयुक्त आयोजनामा रक्तदान कार्यक्रम गरिएको हो । लायन्स क्लब अफ नारायणीका अध्यक्ष तथा कार्यक्रम संयोजक रसु पियाले जिल्लामा पछिल्लो समय भएको रगतको अभावलाई कम गर्न संस्थाद्वारा रक्तदान कार्यक्रम गरिएको जानकारी दिइन् ।

संयोजक पियाले लायन्स क्लबस्ले सामाजिक उत्तरदायित्व वहन गर्दै रक्तदान कार्यक्रम गरिएको र यसले रगतको मागलाई थोरै भएपनि राहत पुग्ने बताइन् । रक्तदान जीवनदान भएकाले सबैलाई रक्तदान गर्न उनले आग्रह समेत गरिन् । कार्यक्रममा लायन्स क्लबका मल्टिपल कमिटी चेयरपर्सन÷पिडिजी, पिएमजेएफ राजकुमार श्रेष्ठ, पिडिजी÷पिएमजेएफ सिद्धार्थलाल चुके, पिडिजी÷पिएमजेएफ रामप्रसाद भट्ट, पिडिजी प्रभातकुमार जोशी, लायन्स क्लब अफ नारायणगढका पूर्वअध्यक्ष सनद पिया लगायतको उपस्थिति थियो ।

कार्यक्रमको प्रमुख अतिथि लायन्स क्लब अफ सेकेण्ड भिडिजी एफजेएफ प्रभाकर पण्डित रहेका थिए । लायन्स क्लबका क्लष्टर चिफ पिएमजेएफ सरोज खनालको अध्यक्षतामा कार्यक्रम सम्पन्न भएको हो । जिल्लामा रगत अभाव भएपछि रक्तदान गर्न दाताहरूलाई नेपाल रेडक्रस सोसाइटीले समेत आग्रह गरेको छ । हिन्दूहरुको चाडपर्वका कारण अहिले रक्तदान कार्यक्रम कम हुने भएकोले रगतको अभाव भएको हो ।

मेडिकल सिटिको रुपमा स्थापित हुँदै गएको चितवन जिल्लामा दैनिक दुई सय युनिट रगतको माग हुने गरेको छ । रगत अभाव हुन नदिन कास्की, नवलपरासी, मकवानपुर, बारा, पर्सा, रौतहट सर्लाहीलगायत जिल्लाबाट रगत ल्याउने गरिएको छ । रगत अभावका कारण नियमित शल्यक्रियामा समेत समस्या हुने गरेको छ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै