जिल्ला प्रशासन कार्यालय चितवनले चितवनमा आफू खुसी राहत नबाँड्न आह्वान गरेको छ। प्रशासकीय अधिकृत ईश्वर सिंखडाद्वारा आज जारी गरिएको एक विज्ञप्तिमा यस्तो आह्वान गरिएको हो। साथै प्रशासनको निर्देशन विपरीत कार्य गरे प्रचलित कानुन बमोजिम कारबाही हुने चेतावनी समेत दिइएको छ।

विश्वव्यापी रूपमा फैलिएको कोरोना सङ्क्रमणबाट जोगिन चितवनमा भएका सचेतनामूलक कार्यक्रमहरूको प्रशंसा गर्दै विज्ञप्तिमा यस्ता कार्यमा संलग्न सबैलाई धन्यवाद ज्ञापन गरिएको छ। साथै कतिपय व्यक्ति तथा समूहले आफ्नै पहलमा आफू खुसी विभिन्न किसिमका राहत सामग्री वितरण गरिरहेको भन्ने सुनिन आएकोले जिल्ला प्रशासन कार्यालयको गम्भीर ध्यानाकर्षण भएको विज्ञप्तिमा जनाइएको छ।

कोरोनालाई आधार बनाएर कुनै व्यक्ति वा संस्थाले कसैसँग चन्दा वा दान संकलन नगर्न र जनप्रतिनिधिको सहभागिता बिना राहत वितरण नगर्न पनि प्रशासनले आग्रह गरेको छ।

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै

उत्कृष्ट नतिजा दिलाउने अङ्कुरम् एकेडेमीका विषयगत शिक्षक सम्मानित