महिला शान्ती र सुरक्षाका सवालमा हिजोदेखि भरतपुरमा सञ्चालन गरिएको जिल्लास्तरीय कार्यशालामा सहभागि जनप्रतिनिधि र महिला बालबालिकाको क्षेत्रमा क्रियाशिल जिल्लाका साझेदार निकायका प्रमुखहरुले लैगिंक समानता विनाको समाज अपुर्ण रहेको बताए । आदर्श नारी विकास केन्द्रकी संस्थापक एवं अधिकारकर्मी मीना खरेलले संस्थाले विगत ३५ बर्षदेखि महिला बालबालिकाको अधिकारका लागि लड्दै आएको बताउनुभयो ।

संविधानले व्यवस्था गरेका समावेशी निति र कानुनलाई पुर्ण रुपमा कार्यान्वयन गरिए मात्र पनि महिलामाथिको हिंसालाई न्युनिकरण हुने उहाँको भनाई थियो । कार्यक्रममा दोस्रो राष्ट्रि कार्ययोजना र यसको कार्यान्वनमा भरतपुर महानगरपालिकाले गरेको प्रगती सम्बन्धमा महानगरका स्वास्थ्य तथा सामाजिक विकास महाशाखा प्रमुख शान्ताकुमारी पौडेलले प्रस्तुत गर्नुभएको थियो ।

आदर्श नारीका अध्यक्ष उषा खरेलको अध्यक्षतमा सम्पन्न सो कार्यक्रममा अभियन्ता विदुर केसी, अधिवक्ता गोमा न्यौपाने, द स्टोरी किचेनका मीना विक,मानवअधिकारबादी राजेन्द्र पौडेल, द्धन्द्धपीडित सपना राना, यमकला चुवाई, अभियन्ताहरु शकुन्तला हमाल, मन्जु खाँड,केमिका घिमिरे, अनिता खड्का, शीला अधिकारी, रुकु अधिकारी,गीता देवकोटा, सरिता सुवेदी पाठक, जनप्रतिनिधिहरु जीवनाथ कडेल, राजेन्द्र साँखी, सागर कुमाल, माधव अर्याल, लगायतले बोल्नुभएको थियो ।

कार्यक्रममा भरतपुर महानगरभित्रको २९ वटै वडाका वडाध्यक्ष तथा जनप्रतिनिधि, कर्मचारी अभियन्ताहरु, मानवअधिकारवादी, जिल्लामा महिला तथा बालबालिकाको क्षेत्रमा क्रियाशिल संघसंस्था लगायतको सहभागिता रहेको थियो ।