चितवन । शारदा युथ क्लब शारदानगर तेस्रो बखान च्याम्पियनसिप फुटबल प्रतियोगिताको सेमिफाइनलमा प्रवेश गरेको छ । आज (बिहीबार) सम्पन्न पहिलो क्वाटरफाइनलमा स्टार स्पोर्टस क्लब माडीलाई पराजित गर्दै शारदानगरले सेमिफाइनलमा स्थान बनाएको हो ।

बखान मिनी रगंशालामा भएको खेलमा शारदानगर २-० ले विजयी भयो । उसको जितमा दोस्रो हाफको दोस्रो मिनेटमा अश्विन तामाङले गोल गरे । दोस्रो हाफको १२ औं मिनेटमा मन्नु कुमालले माडीका गोलरक्षक केशर कोइरालाको गल्तीको फाईदा उठाउदै गोल गरे । शारदानगरका अश्विन प्लेयर अफ दि म्याच बने ।

प्रतियोगितामा शुक्रबार दोस्रो क्वाटरफाइनल खेल हुनेछ । जसमा सूर्यपुर फुटबल क्लब कालिका र गैंडाकोट फुटबल क्लब भिड्नेछ । खेल दिउँसो ३ बजे हुनेछ । फागुन १ गतेसम्म चल्ने प्रतियोगिताको विजेताले उपाधिसहित ४ लाख रुपैयाँ तथा उपविजेताले २ लाख प्राप्त गर्नेछ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै