चितवन । दोस्रो भरतपुर मेयर कप फुटबलको उपाधि वाल्मीकी शिक्षा सदनले जितेको छ ।  सोमबार भएको फाइनलमा डन एकेडेमीलाई हराउँदै वाल्मीकि च्याम्पियन बनेको हो । प्रतिस्पर्धात्मक खेलमा वाल्मीकि १-० ले विजयी भयो । उसको जितमा अमृत आचार्यले निर्णायक गोल गरे । उनले दोस्रो हाफको २७ अौं मिनेटमा प्राप्त पेनाल्टीको सदुपयोग गर्दै निर्णायक गोल गरे ।

विजेता वाल्मीकिले ट्रफीसहित ५० हजार प्राप्त गरेको छ। उपविजेता डनले २५ हजारमा चित्त बुझाएको छ । फाइनलमा निर्णायक गोल गरेका अमृत प्लेयर अफ दि म्याच भए । वाल्मीकिका सरोज गुरुङ एलेक्स बेस्ट प्लेयर भए । उनले ५ हजार प्राप्त गरे ।

वाल्मीकिका विराज जमरकट्टेल बेस्ट गोलकिपर, डनका मनिष दिङ्गल बेस्ट डिफेन्डर, डनकै प्रसन कुँवर बेस्ट मिडफिल्डर, वाल्मीकिका धुर्व भुसाल र डनका सुमन श्रेष्ठ संयुक्त रुपमा बेस्ट कोच घोषित भए । नकआउटमा ३ गोल गरेका दुर्गा शेषकान्त माविका साईमन तामाङ सर्वाधिक गोलकर्ता भए ।

उनीहरुले जनही ३-३ हजार प्राप्त गरे । चितवन जिल्ला फुटबल संघको आयोजनामा तथा भरतपुर महानगरपालिकाको प्रवर्द्धनमा आयोजित प्रतियोगितामा २४ टोली सहभागी थिए । प्रतियोगिताको मुख्य प्रायोजकमा सेन्ट्रल कलेज रहेको थियो ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै