काठमाडौँ । भारतीय प्रधानमन्त्री नरेन्द्र मोदी जापान पुगेका छन् । प्रधानमन्त्रीको रूपमा यो मोदीको ८औं जापान भ्रमण हो । टोकियोको एक होटलमा स्थानीय कलाकारहरूले गायत्री मन्त्रसहित उनको स्वागत गरेका थिए ।
प्रधानमन्त्री मोदीले यस भ्रमणका क्रममा १५औं भारत-जापान वार्षिक शिखर सम्मेलनमा भाग लिने भारतीय मिडियाहरुले उल्लेख गरेकाछन् । यस सम्मेलनमा दुई देशहरू बीचको रणनीतिक र आर्थिक साझेदारीलाई अझ सुदृढ पार्ने बारेमा छलफल हुने बताइएको छ ।
जापान प्रस्थान गर्नुअघि मोदीले सामाजिक सञ्जालमा यो भ्रमणको उद्देश्य भारत र जापान बीचको विशेष रणनीतिक र विश्वव्यापी साझेदारीलाई सुदृढ पार्नु रहेको बताएका छन् । मोदी जापान पछि, उनी अगस्ट ३१ मा चीन पुग्ने कार्यक्रम रहेको छ ।
मोदीले वार्षिक सम्मेलनको क्रममा प्रधानमन्त्री शिगेरु इशिबासँग सुरक्षा, रक्षा, व्यापार र प्रविधि जस्ता मुद्दाहरूमा छलफल गर्नेछन् । अगस्ट ३० मा, मोदीले जापानको मियागीमा रहेको कारखानाको पनि भ्रमण गर्नेछन्, जहाँ बुलेट ट्रेनका कोचहरू बनाइन्छ । जापानी मिडियाका अनुसार यस भ्रमणको क्रममा जापानले भारतमा १० ट्रिलियन येन लगानी घोषणा गर्ने भएको छ ।
ट्रम्पले भारतमा ५० प्रैत्ष्ट कर लगाउने निर्णय गरेपछि, मोदीको यो भ्रमण भारतको रणनीतिक र आर्थिक साझेदारीलाई सुदृढ पार्ने सन्दर्भमा महत्त्वपूर्ण मानिएको छ ।
जापानी मिडिया रिपोर्टका अनुसार, टोकियोले आगामी १० वर्षमा भारतमा निजी क्षेत्रको लगानी दोब्बर गरेर लगभग १० ट्रिलियन येन (लगभग ६८ अर्ब डलर) पुर्याउने लक्ष्य राख्न राखेको बताइएको छ ।
पूर्वाधार बाहेक, यो लगानी भविष्यको अर्थतन्त्रसँग सम्बन्धित क्षेत्रहरू जस्तै अर्धचालक, हरित ऊर्जा, औषधि, कृत्रिम बुद्धिमत्ता र महत्त्वपूर्ण खनिजहरूमा पनि केन्द्रित हुने बताइएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.