☰

भर्खरै

लोकप्रिय समाचार

रोमान्स गर्दै देखिए ट्रुडो र केटी पेरी

  •   सोमबार, असोज २७, २०८२ मा प्रकाशित
    • अ
    • अ
    • अ

    काठमाडौँ । क्यानडाका पूर्व प्रधानमन्त्री जस्टिन ट्रुडो र अमेरिकी गायिका केटी पेरीबीचको प्रेम सम्बन्ध फेरी चर्चामा आएको छ । एक विलासी याटमा दुवैले एक अर्कालाई किस गरिरहेको तस्बीर सार्बजनिक भएपछि दुवैको प्रेम चर्चामा रहेको हो । हाल सार्बजनिक भएका यी तस्बिरहरू गत महिनाका भएको भनिएको छ । डेली मेलका अनुसार, उनीहरू दुई जना क्यालिफोर्नियाको सान्ता बारबराको तटमा केटीको २४ मिटर लामो याटमा थिए । घटनास्थलमा उपस्थित एक व्यक्तिले केटीको याट नजिकैको सानो सार्वजनिक ह्वेल हेर्ने डुङ्गाको नजिक पुगेको थियो र ट्रुडो र पेरीले सँगै समय बिताएका थिए । ट्रुडोले २०२३ मा आफ्नी श्रीमती सोफीसँगको १८ वर्षको वैवाहिक सम्बन्ध समाप्त गरेका थिए भने केटी पेरीले यस वर्षको सुरुमा अभिनेता ओर्लान्डो ब्लूमसँग सम्बन्ध तोडेकी थिइन् ।

    पेरीको ब्रेकअप भएको केही दिनपछि ट्रुडोसँगको अफेयरको हल्ला बाहिर आएको थियो । यस वर्षको जुलाईमा, पेरी र ट्रुडोसँगै डिनर गरिरहेको भिडियो बाहिर आएको थियो । केटी पेरी र अभिनेता ओर्लान्डो ब्लूमको सम्बन्ध २०१६ मा गोल्डेन ग्लोब्स आफ्टर-पार्टीबाट सुरु भएको थियो । २०१७ मा उनीहरूको छोटो सम्बन्ध विच्छेद भयो, तर २०१८ मा फेरि डेटिङ सुरु गरे । त्यसपछि २०१९ मा भ्यालेन्टाइन डेमा उनीहरूले इन्गेजमेन्ट पनि गरे । त्यसपछि २०२० मा उनीहरूको एक छोरी जन्मियो, तर उनीहरूले विवाह भने गरेनन् । जुलाई २०२५ को सुरुमा, पेरी र ब्लूमले आधिकारिक रूपमा आफ्नो ब्रेकअपको घोषणा गरे ।

    एक संयुक्त विज्ञप्तिमा दुवै अब प्रेम सम्बन्धमा नरहेको तर आफ्नी छोरी डेजीलाई सह-अभिभावक बनाउने बताएका थिए । केटी पेरीले पहिलो पटक २०१० मा ब्रिटिश हास्य कलाकार रसेल ब्रान्डसँग विवाह गरेकी थिइन् । विवाह भारतको राजस्थानको रणथम्बोर बाघ अभयारण्य नजिकै परम्परागत हिन्दू समारोहमा भएको थियो । यद्यपि, विवाह १४ महिना पछि २०११ मा समाप्त भएको थियो । क्यानाडाका पूर्व प्रधानमन्त्री जस्टिन ट्रुडोले मे २८, २००५ मा सोफी ग्रेगोइर ट्रुडोसँग विवाह गरेका थिए । सोफी क्यानाडाली टेलिभिजन होस्ट र पत्रकार हुन् । सोफी ट्रुडोकी कान्छी भाइ माइकल ट्रुडोकी सहपाठी थिइन् ।

    स्कूलबाट स्नातक गरेपछि, ट्रुडो र सोफीले २००३ मा ट्रुडोले पढाउने एक च्यारिटी कार्यक्रममा फेरि भेटेका थिए । अर्को वर्ष २००४ मा उनीहरूले इन्गेजमेन्ट गरे र २००५ मा विवाह गरे । उनीहरूको विवाह क्यानाडाको राजनीति र मिडियामा सबैभन्दा चर्चित जोडीहरू मध्ये एक बनेको थियो । उनीहरूका एक छोरी र दुई छोरा छन् । लगभग १८ वर्षको विवाह पछि, जस्टिन र सोफीले अगस्ट २०२३ मा आपसी सहमतिमा अलग भएको घोषणा गरेका थिए ।

    लोकप्रिय

    भर्खरै