चितवन । लायन्स क्लब इन्टरनेशनल, डिष्टिक्ट ३२५ आर, क्लस्टर न. ३ ले यही कार्तिक १४ गते, शुक्रबार भरतपुरको चौबीसकोठीमा बृहत रक्तदान कार्यक्रम आयोजना गरेको छ । बिहान ७ बजेदेखि रक्तदान कार्यक्रम शुरु हुने भएको हो । कार्यक्रममा चार सय बढीले रक्तदान गर्ने अपेक्षा आयोजकको छ । कार्यक्रमको उद्देश्य मानव जीवन र स्वास्थ्यका लागि आवश्यक रगत संकलन गर्दै समाजमा “रक्तदान, जीवनदान”को भावना जागृत गर्नु रहेको आज भरतपुरमा आयोजित पत्रकार सम्मेलनमा क्लस्टर चिफ अजामिन ढकालले बताउनुभयो ।

यसै वर्ष क्लस्टरअन्तर्गत आयोजित रक्तदान कार्यक्रममा २७६ जना रक्तदाताले रक्तदान गरेर उल्लेखनीय योगदान दिएको बताउँदै उहाँले यसपटक अझ बढी सहभागीता हुने अपेक्षा गरिएको बताउनुभयो । कार्यक्रमलाई सफल बनाउन लायन्स क्लबका पदाधिकारी, सदस्य, युवा स्वयंसेवक, सामाजिक संघसंस्था तथा स्थानीय समुदायलाई उहाँले आव्हान समेत गर्नुभयो । रक्तदान मात्र स्वास्थ्यको प्रतीक होइन, मानव जीवन बचाउने साझा प्रयास भएको उहाँको भनाई थियो ।

कार्यक्रमलाई सफल बनाउन सबै सरोकारवालाहरू, सामाजिक संस्था, शुभेच्छुक र सञ्चारकर्मीहरूलाई सक्रिय सहयोगको लागि आयोजकले अनुरोध गरेको छ । कार्यक्रममा गर्भनर नवराज सापकोटाले विश्वभर १४ लाख सदस्य रहेको लायन्समा नेपालमा ४५ हजार हाराहारी सदस्य रहेको बताउनुभयो । उहाँले लायन्सले शिक्षा, स्वास्थ्य, दृष्टि, संरक्षण वातावरण, भोकमरी निवारण, विपद् व्यवस्थापन, युवा सशक्तिकरण, मधुमेह र रक्तदान जस्ता सेवामूलक क्षेत्रमा उल्लेखनीय योगदान दिंदै आएको चर्चा गर्नुभयो ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै