नेपाल शैक्षिक परामर्श संघ (ECAN) को आगामी 2082 को केन्द्रीय निर्वाचनमा, मञ्जित ढकालले दीपक राज भुषाल समूहबाट केन्द्रीय उपाध्यक्ष पदमा उम्मेदवारी घोषणा गरेका छन्। वर्तमानमा उनी ECAN को केन्द्रीय समितिमा सदस्यको रूपमा सक्रिय छन् र Branch Coordination Department मार्फत केन्द्र र शाखाबीच प्रभावकारी समन्वयमा निरन्तर योगदान गर्दै आएका छन्।

ढकालले मकवानपुर, काभ्रेपलान्चोक, धनगढी लगायत विभिन्न शाखामा समन्वय संरचना सुदृढ बनाउन महत्वपूर्ण भूमिका निर्वाह गरेका छन्। Branch Coordinator को रूपमा उनले Leaders Meet 1.0 र 2.0 आयोजना गरी शाखा र केन्द्रबीचको सम्बन्धलाई मजबुत बनाएका छन्। यस अनुभवको आधारमा उनी केन्द्रीय उपाध्यक्ष पदमा उम्मेदवारी दिएर संगठनलाई अझ व्यवस्थित, उत्तरदायी र भविष्य–मुखी बनाउने लक्ष्य राखेका छन्।

उनी भन्छन्, “ECAN कुनै व्यक्तिको पहिचानले होइन, प्रणाली, सदस्यको विश्वास र सामूहिक नेतृत्वद्वारा सञ्चालन हुनुपर्छ। मेरो दृष्टि ECAN लाई सदस्य–केन्द्रित, पारदर्शी, व्यावसायिक र दीर्घकालीन रणनीतिमा आधारित संगठनको रूपमा अगाडि बढाउनु हो।”

दीपक राज भुषाल समूहको समर्थनमा, ढकालले केन्द्र–शाखा समन्वयलाई सशक्त, व्यवहारिक र परिणाममुखी बनाउने, शाखाबाट उठेका वास्तविक मुद्दाहरूलाई निर्णय प्रक्रियामा प्राथमिकताका साथ समावेश गर्ने, र शैक्षिक परामर्श व्यवसायको विश्वसनीयता, गरिमा तथा दिगोपन सुनिश्चित गर्ने प्रतिबद्धता जनाएका छन्।

समूहका अनुसार, ECAN को भविष्य सुरक्षित, सक्रिय र परिणाममुखी नेतृत्वमा निर्भर छ। उनीहरूले सबै सदस्यहरूलाई मतदान गर्न र संगठनको साझा भविष्य निर्माणमा सक्रिय सहभागिता जनाउन आह्वान गरेका छन्। आगामी निर्वाचनमा मञ्जित ढकालको उम्मेदवारीले ECAN को नेतृत्वमा नयाँ दिशा र सशक्त प्रतिनिधित्व ल्याउने अपेक्षा गरिएको छ।

बाढी प्रभावित ऋणीलाई बैंकको किस्ता तिर्न पुस मसान्तसम्मको समय

अब सवारी दर्ता तथा नामसारीका लागि धनी स्वयं यातायात कार्यालय जान नपर्ने

पूर्वराजा ज्ञानेन्द्रले यस वर्ष सर्वसाधारणलाई दसैँको टीका नलगाइदिने