काठमाडौँ । अख्तियार दुरुपयोग अनुसन्धान आयोगले मालपोत कार्यालय पर्सामा भएको राजस्व हिनामिना प्रकरणमा तत्कालीन मालपोत अधिकृतहरू हरिनारायण मिश्र, भूपबहादुर बोगटी, पदमप्रसाद अर्याल, सुरेन्द्रप्रसाद राव कुर्मीलगायत ८ जनाविरुद्ध मुद्धा दायर गरेको छ ।

अन्य आरोपितमा मालपोत कार्यालय, पर्साका तत्कालीन नायव सुब्बा स्वर्गिय किरण प्रसाद उपाध्यायको हकमा अंशियार छोराहरू राज किशोर प्रसाद उपाध्याय, गौतम प्रसाद उपाध्याय, पशुपती प्रसाद उपाध्याय र मुरारी प्रसाद उपाध्याय रहेका छन् । अनुसन्धानअनुसार आर्थिक वर्ष २०७०/७१ मा मालपोत कार्यालय पर्साको रजिष्ट्रेशन फाँट ग मा उठेको राजस्व आम्दानी पूर्ण रूपमा अभिलेख नराखी बैंक दाखिला नगरी हिनामिना गरिएको पाइएको छ । सो अवधिमा एउटै दर्ता नम्बर प्रयोग गरी दोहोरो तथा तेहेरो रूपमा लिखत पारित गरिएको, कम राजस्व देखिएका लिखत मात्र लेखा फाँटमा बुझाइएको र बढी राजस्व भएका लिखतको रकम लुकाइएको देखिएको छ।

त्यस्तै, दर्ता किताबमा थप प्रविष्टि गरिएका लिखतबाट उठेको रकम लेखा फाँटमा दाखिला नगरी आन्तरिक तथा अन्तिम लेखापरीक्षणसमेत नगरी हिनामिना गरिएको अनुसन्धानले देखाएको छ। यसरी एउटै नम्बरमा धेरै लिखत पास गरी कम रकम मात्र बुझाउने र बाँकी रकम लुकाउने कार्यबाट कुल २ करोड ९३ लाख ६८ हजार ५६५ रुपैयाँ राजस्व हिनामिना भएको पुष्टि भएको छ । उक्त कसुरमा संलग्न देखिएका कर्मचारीहरूविरुद्ध कानुनअनुसार सजाय माग गर्दै विशेष अदालतमा मुद्दा दायर गरिएको अख्तियारले जनाएको छ ।

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै

उत्कृष्ट नतिजा दिलाउने अङ्कुरम् एकेडेमीका विषयगत शिक्षक सम्मानित