विद्यालयस्तर देखि नै प्रतिभा पहिचान कार्यक्रम मार्फत स्कूल स्पोर्टसलाई पाठ्यक्रमको अभिन्न अङ्ग बनाइनेछ । साहसिक खेल र अल्ट्रा म्याराथन जस्ता नेपालका मौलिक सम्भावनाहरुलाई राष्ट्रिय गौरबको रुपमा प्रबर्द्धन गर्दै निजी लगानी प्रोत्साहित गरिनेछ । नेपाललाई साहसिक खेलको गन्तव्यको रुपमा विकास गरिनेछ। अपाङ्गमैत्री खेल पूर्वाधार निर्माणलाई प्राथमिकता दिइनेछ । खेलकुद क्षेत्रलाई उद्योगको रुपमा विकास गरिनेछ । त्रिभुवन विश्वविद्यालय अन्तर्राष्ट्रिय क्रिकेट मैदानलाई अन्तर्राष्ट्रिय मापदण्ड अनुसार अपग्रेड गरिनेछ। नेपाललाई दक्षिण एशियाको खेलकुद हबको रुपमा स्थापित गरिनेछ ।

नेपालमा द्विपक्षीय, क्षेत्रीय तथा अन्तर्राष्ट्रिय खेलहरुको आयोजना गरी खेल पर्यटनको प्रवर्द्धन गरिनेछ । खेलकुदलाई सफ्टपावरको रुपमा प्रयोग गरी नेपाललाई क्षेत्रीय र अन्तर्राष्ट्रिय आयोजनास्थलको रुपमा स्थापित गर्दै क्रिकेट कुटनीति मार्फत नेपालको अन्तर्राष्ट्रिय छवि सुधार र कुटनीतिक सम्बन्ध विस्तार गरिनेछ ।

खेलकुदलाई पेशाको रुपमा विकास गरिनेछ । आवधिक रुपमा विद्यालयस्तर, प्रदेशस्तर र राष्ट्रियस्तमा खेल प्रतियोगिता सञ्चालन गरी उत्कृष्ट खेलाडिको उत्पादन गरिनेछ । खेलकुद र खेलाडीहरुको प्रशिक्षणलाई उच्च प्राथमिकता दिइनेछ भने खेलकुद प्रशिक्षणलाई वैज्ञानिक, प्राविधिक तथा परिणाममुखी बनाईनेछ । महिला तथा समावेशी खेलकुद प्रबर्द्धन गरिनेछ । खेलाडी खेलबाट पलायन हुनुपर्ने अवस्थाको अन्त्य गर्न नियमित लिग हुने वातावरण, उचित पारिश्रमिक र पुरस्कार राशी समय मै पाउने व्यवस्था गरिनेछ ।

चितवन जिमका सुर्जेले जिते दोस्रो मिस्टर चितवनको उपाधि

बिसिए प्राइड लिग क्रिकेट असोज १८ देखि, खेल तालिका पनि सार्वजनिक

दोस्रो मिस्टर चितवन असोज १६ र १७ गते, तयारी तीव्र