काठमाडौं । चर्चित सेफ सन्तोष साहलाई बैंकिङ कसुर सम्बन्धी आरोपमा प्रहरीले पक्राउ गरेको छ। उपत्यका अपराध अनुसन्धान कार्यालय, टेकुले शुक्रबार राति जनकपुरबाट उनलाई नियन्त्रणमा लिएको जनाएको छ।
कार्यालयका प्रमुख एसएसपी सन्तोष खड्काका अनुसार साहविरुद्ध बैंकिङ कसुरको उजुरी परेपछि आवश्यक अनुसन्धानका लागि पक्राउ गरिएको हो। प्रहरीका अनुसार गैरीधारास्थित एक रेष्टुरेन्ट खरिद–बिक्रीसँग सम्बन्धित आर्थिक विवादका कारण उनीमाथि मुद्दा दर्ता भएको छ।
उजुरीमा साहले उक्त रेष्टुरेन्ट करिब एक करोड ३० लाख रुपैयाँमा खरिद गर्ने सहमति गरे पनि कारोबारसँग सम्बन्धित केही रकम भुक्तानी नगरेको आरोप लगाइएको छ। सोही विषयमा कानुनी प्रक्रिया अघि बढेपछि उनलाई पक्राउ गरिएको प्रहरीको भनाइ छ।
पक्राउपछि साहलाई थप अनुसन्धान तथा आवश्यक कानुनी कारबाहीका लागि सम्बन्धित निकायमा पेश गर्ने तयारी भइरहेको प्रहरीले जनाएको छ। घटनाबारे थप विवरण संकलन गर्ने कार्य जारी रहेको र अनुसन्धानबाट प्राप्त तथ्यका आधारमा आवश्यक प्रक्रिया अघि बढाइने अधिकारीहरूले बताएका छन्। यस विषयमा साह वा उनका प्रतिनिधिबाट भने हालसम्म कुनै औपचारिक प्रतिक्रिया सार्वजनिक भएको छैन।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.