बागमती प्रदेशमा एक विपद् व्यवस्थापन तालिम शिक्षालय, चार डेडिकेटेड विपद् व्यवस्थापन बेस तथा १० वटा अस्थायी मनसुन प्रतिकार्य टोली सञ्चालनमा रहेका छन्। चितवन र सिन्धुलीमा २२ जना गोताखोरसहितको उद्धार टोली २४सै घण्टा तयारी अवस्थामा रहेको जानकारी पनि उहाँले दिनुभयो।

चालु आर्थिक वर्षमा बागमती प्रदेशमा भएका ४३५ विपद्जन्य घटनामा सशस्त्र प्रहरी परिचालन भई ५१९ जनाको सकुशल उद्धार, एक हजार ९०८ घाइतेको उद्धार तथा ३०५ जनाको शव व्यवस्थापन गरी कुल दुई हजार ७३२ जनालाई सेवा प्रदान गरिएको बाहिनीपति बस्नेतले जानकारी दिनुभयो। तीमध्ये ३१ वटा घटनामा दक्ष गोताखोर परिचालन गरिएको थियो।

सशस्त्र प्रहरी बल नं. १७ गण हेडक्वार्टर चितवनका प्रमुख प्रहरी उपरीक्षक धनबहादुर बानियाँले तालिम पौडीपोखरी, नारायणी तथा त्रिशूली नदीमा सञ्चालन गरिएको जानकारी दिनुभयो। उहाँले तालिमले गोताखोरको दक्षता र आत्मविश्वास अभिवृद्धि गरेको बताउँदै सशस्त्र प्रहरीले पहिलोपटक पुनर्ताजगी तालिम सञ्चालन गरेको जानकारी दिनुभयो। यसअघि सिन्धुलीको खुर्कोटमा १० जनालाई यस्तै तालिम प्रदान गरिएको थियो भने चितवनमा पनि १० जना सहभागीलाई पुनर्ताजगी तालिम दिइएको हो।