चितवन । चितवनको इच्छाकामना गाउँपालिका–७ भालुमारा र कालिका नगरपालिका–६ हरिहर टोल क्षेत्रमा प्रतिबन्धित लागू औषधको अवैध कारोबार भइरहेको विशेष सूचनाका आधारमा प्रहरीले पाँच जनालाई ठूलो परिमाणको औषधिसहित पक्राउ गरेको छ।

जिल्ला प्रहरी कार्यालय चितवनका अनुसार मातहतका प्रहरी चौकी जुटपानी र प्रहरी चौकी खोलेसिमलबाट संयुक्त रूपमा खटिएको टोलीले असार २० र २१ गते चलाएको अपरेसनका क्रममा उनीहरूलाई नियन्त्रणमा लिएको हो। प्रहरीले असार २० गते कालिका नगरपालिका–७ का २९ वर्षीय विजय सुनार र २३ वर्षीय रोमन सुनार, भरतपुर महानगरपालिका–७ का ३१ वर्षीय विनोद जोशी तथा इच्छाकामना गाउँपालिका–७ का २५ वर्षीय साजन थापा मगरलाई ३ हजार ४ सय पिस ट्रामाडोल र ३ हजार ८ सय ९० पिस एनआरगन क्याप्सुलसहित पक्राउ गरेको थियो।
सो क्रममा उनीहरूले कारोबारमा प्रयोग गरेका ना ४६ प ८६८८, ना २५ प ९५२१ र बा ९१ प ३३९८ नम्बरका तीनवटा मोटरसाइकल समेत बरामद गरिएको छ।

त्यसैगरी, प्रहरीले अनुसन्धानकै क्रममा भोलिपल्ट असार २१ गते कालिका नगरपालिका–६ बस्ने २७ वर्षीय दिवस न्यौपानेलाई ६ हजार ८० पिस ट्रामाडोल र ४ हजार २ सय पिस एनआरगन क्याप्सुलसहित पक्राउ गरेको हो। दुई दिनको अवधिमा कुल ९ हजार ४ सय ८० पिस ट्रामाडोल र ८ हजार ९० पिस एनआरगन क्याप्सुलसहित पक्राउ परेका पाँचै जना विरुद्ध लागू औषध (नियन्त्रण) ऐन २०३३ अन्तर्गतको कसुरमा सम्मानित चितवन जिल्ला अदालतबाट म्याद थप अनुमति लिई हिरासतमा राखेर थप अनुसन्धान अघि बढाइएको प्रहरीले जनाएको छ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै