चितवन । चितवन क्षेत्र नं ३ .क) बाट निर्वाचित राष्ट्रिय प्रजातन्त्र पार्टी (राप्रपा) का सांसद तथा प्रदेशसभा संसदीय दलका उपनेता गिरबहादुर तामाङ बागमती प्रदेशको स्वास्थ्य तथा सामाजिक विकासमन्त्री नियुक्त भएका छन्। मुख्यमन्त्री किरण थापामगरले बिहीबार तामाङलाई मन्त्री नियुक्त गरेका हुन्। नियुक्तिसँगै तामाङले प्रदेश प्रमुखसमक्ष पद तथा गोपनीयताको शपथ लिएका छन्। मुख्यमन्त्री थापामगर नेतृत्वको विस्तारित मन्त्रिपरिषद्मा तामाङसहित छ जना नयाँ मन्त्रीले बिहीबार शपथ लिएका छन्।

सरल सहयात्री पौडेललाई आर्थिक मामिला तथा योजना, भरत केसीलाई भौतिक पूर्वाधार विकास, राजेन्द्र प्रजापतिलाई उद्योग, पर्यटन, श्रम तथा यातायात र राजु विष्टलाई खानेपानी, ऊर्जा तथा सिँचाइ मन्त्रालयको जिम्मेवारी दिइएको छ। ज्ञानबहादुर तामाङले भने विनाविभागीय मन्त्रीका रूपमा शपथ लिएका छन्।

प्रदेशसभामा कुनै पनि दलको स्पष्ट बहुमत नरहेको अवस्थामा नेकपा एमाले, नेपाली कम्युनिस्ट पार्टी (नेकपा) र राप्रपाको समर्थन जुटाएर बहुमतको आधार प्रस्तुत गरेपछि प्रदेश प्रमुखले थापामगरलाई मुख्यमन्त्री नियुक्त गरेका थिए।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै