चितवन । चितवनको भरतपुर महानगरपालिका–९ स्थित बसन्तचोकमा आज बिहान कारमा आगलागी हुँदा एक जनाको जलेर मृत्यु भएको छ। जिल्ला प्रहरी कार्यालय चितवनका अनुसार पूर्व–पश्चिम राजमार्गको सर्भिस लेनमा पूर्वबाट पश्चिमतर्फ आउँदै गरेको बा.प्र. ०१–०३० च ५५७९ नम्बरको विद्युतीय (EV) कारमा अचानक आगलागी भएको हो।
कारमा आगलागी भएको सूचना प्राप्त हुनासाथ प्रहरी टोली घटनास्थलमा पुगेको थियो। प्रहरीले दमकलको सहयोगमा कारमा लागेको आगो नियन्त्रणमा लिएको थियो। आगो नियन्त्रणमा लिएर कारभित्र हेर्दा एक जना मानिस जलेको अवस्थामा मृत फेला परेको प्रहरीले जनाएको छ।

मृतकको हालसम्म नाम, थर र ठेगाना खुल्न सकेको छैन। आगलागीका कारण कारमा समेत पूर्ण रूपमा क्षति पुगेको बताइएको छ।

घटनापछि प्रहरीले मृतकको पहिचान तथा आगलागीको कारणबारे अनुसन्धान अघि बढाएको छ। कारमा कसरी आगलागी भयो भन्ने विषयमा समेत प्रहरीले आवश्यक अनुसन्धान गरिरहेको जनाएको छ।

जिल्ला प्रहरी कार्यालय चितवनका अनुसार घटनासम्बन्धी थप विवरण अनुसन्धानपछि खुल्नेछ। मृतकको पहिचानका लागि प्रहरीले आवश्यक प्रक्रिया अघि बढाइरहेको छ भने घटनास्थलको अवस्थाबारे समेत थप अनुसन्धान भइरहेको छ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै