चितवन । भरतपुर–२, क्षेत्रपुरस्थित सिद्धी विनायक बचत तथा ऋण सहकारी संस्था लिमिटेडको १९औँ वार्षिक साधारणसभा सम्पन्न भएको छ । भरतपुरस्थित चित्रावती लिजर सेन्टरमा बुधबार सम्पन्न साधारणसभामा सहकारीलाई थप व्यवस्थित, पारदर्शी र सदस्यकेन्द्रित बनाउँदै लैजानुपर्नेमा जोड दिइएको छ ।
संस्थाका अध्यक्ष थिरप्रसाद धितालको सभापतित्व तथा जिल्ला सहकारी संघ लिमिटेड, चितवनका अध्यक्ष शरदकुमार बर्तौलाको प्रमुख आतिथ्यतामा साधारणसभा सम्पन्न भएको हो ।
कार्यक्रममा प्रमुख अतिथि बर्तौलाले सहकारी संस्थाहरूले पारदर्शी रूपमा सदस्यको हितलाई केन्द्रमा राखेर काम गर्नुपर्ने बताए । उनले सिद्धी विनायक सहकारीले स्थानीयस्तरमा पुर्याएको आर्थिक योगदानको प्रशंसा गर्दै आगामी दिनमा बचत तथा ऋणलाई अझ सुरक्षित र व्यवस्थित रूपमा परिचालन गर्नुपर्नेमा जोड दिए ।
संस्थाका अध्यक्ष धितालले सदस्यहरूको विश्वास, सहभागिता र सहकार्यका आधारमा सिद्धी विनायक सहकारीलाई थप सुदृढ बनाउँदै लैजाने बताए । सहकारीको दिगो विकासका लागि सदस्यको आर्थिक हितसँगै संस्थागत सुशासन, पारदर्शिता र उत्तरदायित्वलाई प्रभावकारी बनाउनुपर्ने उनको भनाइ थियो ।
सदस्यहरूको आवश्यकता र अपेक्षाअनुसार सेवा विस्तार गर्दै सहकारीलाई थप व्यवस्थित, सुरक्षित र सदस्यकेन्द्रित बनाउने प्रतिबद्धता पनि अध्यक्ष धितालले व्यक्त गरे ।
साधारणसभामा संस्थाका सचिव जयराम पाण्डेले वार्षिक प्रगति प्रतिवेदन तथा कोषाध्यक्ष रामप्रसाद घिमिरेले आर्थिक प्रतिवेदन प्रस्तुत गरेका थिए । उपाध्यक्ष मुकुन्दप्रसाद गौतमले स्वागत मन्तव्य दिएका थिए ।
उत्कृष्ट बचतकर्ता तथा ऋणी सम्मानित
साधारणसभाका अवसरमा संस्थाले उत्कृष्ट बचतकर्ता, असल ऋणी, उत्कृष्ट महिला बचतकर्ता, असल बाल बचतकर्ता तथा कर्मचारीलाई सम्मान गरेको छ ।
कार्यक्रममा सहकारीका संस्थापक अध्यक्ष तथा सल्लाहकार शालिकराम घिमिरे, कानुनी सल्लाहकार वरिष्ठ अधिवक्ता जगन्नाथ भण्डारी तथा सल्लाहकार भगवती पाण्डेलगायतको विशेष उपस्थिति रहेको थियो ।
त्यसैगरी, साधारणसभामा लेखा तथा सुपरिवेक्षण समिति संयोजक बिनोद पौडेल, उपाध्यक्ष मुकुन्दप्रसाद गौतम, सचिव जयराम पाण्डे, कोषाध्यक्ष रामप्रसाद घिमिरे, सहसचिव संगिता गौतम तथा सञ्चालक समिति सदस्यहरू ईन्दिरा पन्त लामिछाने, शम्भु अधिकारी, कृष्णप्रसाद सिलवाल, सीता सापकोटा, नवराज अर्याल र हरिप्रसाद रिपाल, व्यवस्थापक विकास पौडेललगायत पदाधिकारी तथा शेयर सदस्यहरूको सहभागिता रहेको थियो ।
२०६५ सालमा स्थापना भएको सिद्धी विनायक बचत तथा ऋण सहकारीमा हाल २ हजार १२१ सदस्य रहेका छन् ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.