चितवन । नेपालमा सबैभन्दा बढी प्रसुति गराउने अस्पतालमध्ये भरतपुर अस्पताल दोश्रो स्थानमा पर्दछ । काठमाडौको परोपकार प्रसुति गृहपछि भरतपुर अस्पतालमा धेरै प्रसुति गराउने गरेकोे पाईन्छ । गत गतवर्ष केन्द्रीय अस्पताल बनेको यो अस्पतालमा पछिल्लो समय शिशुहरुको मृत्युहुनेको संख्या उल्लेख्य छ । अस्पतालले सार्वजनिक गरेको तथ्याङ्क हेर्दा गत साउन महिना देखि कार्तिकसम्म मात्रै ५९ जना शिशु र १ आमाको ज्यान गुमाएका छन् भने कोभिडको कारणले समेत केही आमाको ज्यान गुमाएका छन् । मृत्यु हुनेहरुमा ४७ जनाको गर्भमै, ७ जनाको जन्मिएको केहि समयमै र ५ जना नवजात शिशुको मृत्यु भएको हो । अस्पतालका सूचना अधिकारी लिलाधर पौडेलका अनुसार गतवर्ष १३ हजार ५ सय जनाले प्रसुति सेबा लिएकोमा १ सय ३८ जना शिशुको गर्भमा, ३२ जना नवजात र २९ जना शिशुको जन्मिएको केहि समय भित्र मृत्यु भएको थियो । गर्भावती महिलाहरु बेलैमा उपचार गर्न नआउदा बढि शिशुको गर्भावस्थामै ज्यान जाने गरेको सुचना अधिकारी पौडेलले बताए । गर्भवति महिलाहरु सामान्य अवस्थामा अस्पताल नजाने र स्वास्थ्यमा जटिलता आएपछि मात्रै ढिला गरि उपचार लिन अस्पताल पुग्ने समस्याले गर्दा मृत्यु हुनेको संख्या बढी रहेको सुचना अधिकारी पौडेलले बताएका छन् । उनले यो आर्थिक वर्षको पहिलो ४ महिनामा ४ हजार बढी महिला सुत्केरी भएको जानकारी दिए । हाल भरतपुर अस्पतालमा चितवनसहित १९ जिल्लाका बिरामीहरुले सेवा लिने गरेका छन् । ६ सय शैया रहेको यो अस्पतालमा हरेक वर्ष ३ लाखभन्दा बढी सेवाग्राहीहरुले सेवा लिने गरेका छन् ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै