काठमाडौँ । एथ्लेटिक बिल्बाओ स्पेनिस सुपर कप च्याम्पियन बनेको छ । गएराति भएको फाइनल खेलमा बार्सिलोनालाई ३२ गोल अन्तरले पराजित गर्दै बिल्बाओले उपाधि चुमेको हो । खेलको ४०औं मिनेटमा एन्टोइन ग्रिजमनको गोलबाट बार्सिलोनाले सुरुवाती अग्रता लिएको थियो । त्यसको २ मिनेटपछि नै बिल्बाओका डि मार्कोसले गोल गर्दै खेललाई १–१ गोलको बराबरीमा ल्याए ।

त्यसपछि खेलको ७७औं मिनेटमा ग्रिजमनले व्यक्तिगत दोस्रो गोल गर्दै बार्सिलोनालाई २–१ को पुनः अग्रता दिलाए । तर, ९०औं मिनेटमा बिल्बाओका एसिएर भिल्लालिब्रेले गोल गर्दै खेललाई २–२ गोलको बराबरीमा ल्याए । त्यसपछि खेल अतिरिक्त समयमा धकेलियो । अतिरिक्त समयको तेस्रो मिनेटमा इनाकी विलियम्सले गोल गर्दै बिल्बाओलाई जित दिलाए ।

अन्तिम समयमा कप्तान लियोनेल मेस्सी रातो कार्ड खादै मैदानबाट बाहिरिएपछि बार्सिलोना १० खेलाडीमा समेटिएको थियो।

चितवन जिमका सुर्जेले जिते दोस्रो मिस्टर चितवनको उपाधि

बिसिए प्राइड लिग क्रिकेट असोज १८ देखि, खेल तालिका पनि सार्वजनिक

दोस्रो मिस्टर चितवन असोज १६ र १७ गते, तयारी तीव्र