चितवन ।  पूर्वी चितवनमा हावाहुरीले ठूलो परिमाणमा केराखेती नष्ट भएको छ । भारी वर्षासहित शुक्रबार बेलुकीको आएको हावाहुरीले किसानले लगाएको केराखेतीमा करिब करोड बढीको क्षति भएको अनुमान छ । हावाहुरीले रत्ननगर, कालीका, राप्ती नगरपालिकादेखि पिप्लेसम्मको केरा नष्ट गरेको हो । यस्तै पश्चिम चितवन क्षेत्रका केरा बारी समेत नष्ट भएको सिकानहरुले जानकारी गराएका छन् ।

लकडाउनको कारण तयार भएको केरा बजारमा लैजान नसकेको अवस्थामा हावाहुरीले सयौँ किसानको केरा नष्ट गरेको हो । कुन किसानको कति केरा नष्ट भएको भन्ने एकिन तथ्यांक आइनसकेको केरा उत्पादक संघका निवर्तमान अध्यक्ष बिष्णुहरि पन्तले जानकारी दिए । उनले सबै तथ्यांक २ ३ दिनमा आउने बताए ।

अन्य अन्नबाली धान, गहुँ, तोरी लगायतका खेती गर्न छाडेर बैंकबाट ऋण लिएर केरा खेती थालेका किसानहरुलाई प्राकृतिक प्रकोपले विनास ल्याउंँदा बैंकको ब्याज कसरी तिर्ने, बालबच्चा कसरी पढाउने, मजदुरहरुको पारिश्रमिक कसरी तिर्ने र पुनः खेती कसरी सिर्जना गर्ने भन्ने चिन्ता बढेको किसानको दुखेसो छ । हावाहुरीका कारण पसाउन लागेका, पसाएका र निकाल्ने बेलाका केरामा क्षति पुगेको छ । जिल्लाकै पकेट क्षेत्र मानिएको यो क्षेत्रमा उत्पादन हुने केरा देशभरि नै खपत हुदैछ आएको थियो ।
हावाहुरीकै कारण एउटै किसानको लाखौंको क्षति पुगेको छ । केही किसानले बोटको बिमा गरे पनि अधिकांश किसानहरुले विमा गरेका छैनन् । त्यसलै पनि अधिकांश किसानहरु चिन्तित छन् ।
यता रत्ननगरका केही केरा व्यवसायीहरुले केरा नष्ट भए पनि समितिबाट कोहि केराबारीमा नआएको गुनासो गरेका छन् । लकडाउनका कारण पूर्ण क्षति भएको र किसान आफैँ जान नसकेको व्यवसायी बाबुराम भट्टले बताए ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै