हेटौंडा । हेटौडा उपमहानगरपालिका वडा नम्बर १० मा रहेको सामुदायिक आँखा अस्पतालमा आँखा जाच गर्न आउने विरामीहरु कोरोनाका कारण लगाईएको कोटा प्रणालीका कारण सास्ति व्यहोर्नु परेको छ । कोरोना भाइरसको संक्रमण फैलने भन्दै अस्पतालले लगाएको कोटा प्रणाली नहटाउँदा आँखा जचाउन आउने पालो नपाउँदा सास्ति व्यहोर्न बाध्य भएका छन् ।

अस्पतालले एकदिनमा १ सय २५ जनाको मात्रै आँखा जाँच गर्दै आएकोले विहानै लाइन बसेका विरामी कुपन लिने बेलामा १ सय २५ भन्दा बढी हुने वित्तिकै फर्कनु परेको गुनासो छ । कोरोनाको त्रास घटदै गएपछि अन्य अस्पताल, सरकारी तथा निजी कार्यलयहरुले बिगतमा लगाएका कोटा प्रणाली हटाएपनि सामुदायिक आँखा अस्पतालले भने अझै कोरोनाका नाममा लगाएको कोटा प्रणालीका कारण विरामीहरु फर्काउँदै आएको छ । टाढाबाट आँखाको समस्या लिएर आएका विरामीहरुले कुपन लिन नपाएपछि आँखा जाच नगराई फर्किनुपरेको बताएका छन् ।

केही दिन अघि आँखा जचाउन गएका हेटौंडा-६ का सुजल पौडेल अघिल्लो दिन कुपन नपाएपछि फेरि भोलिपल्ट विहानै जानुपरेको गुनासो गरे । आफु आउँदा आउँदै ढिला भएको बताउँदै एक सय २७ औं नम्बरमा परेपछि अस्पतालले आज आँखा जाच गर्न नसकिने बताउँदै भोली आउन भनेको हेटौंडा-७ की ७४ बर्षीया एक बृद्धाले जानकारी दिइन् ।

आफुलाई अस्पतालका सुरक्षा गार्डले हप्काईदप्काई गरेको उनको भनाइ छ । हेटौंडा सामुदायिक आँखा अस्पतालका प्रमुख प्रशासकीय अधिकृत सुधिर श्रेष्ठले सेवाग्राहीबाट समस्या परेको गुनासो आइरहेको स्विकार्दै यसलाई अस्पताल प्रशासनले समाधानको प्रयास गर्ने बताए । कोरोनाको संक्रमणको अवस्थामा कमी आएको बताउँदै मकवानपुरका प्रमुख जिल्ला अधिकारी गोविन्द प्रसाद रिजालले सेवाग्राहीको समस्या समाधानका लागि अस्पताल प्रशासनसंग समन्वय गर्ने बताए ।प्रजिअ रिजालले अस्पतालमा रहेको कोटा प्रणाली अस्पतालसंग समन्वय गरेर हटाउने बताए ।

बाढी प्रभावित ऋणीलाई बैंकको किस्ता तिर्न पुस मसान्तसम्मको समय

चितवनमा एचआइभी सङ्क्रमण बढ्दो, नौ महिनामा ८० जनामा पुष्टि

अब सवारी दर्ता तथा नामसारीका लागि धनी स्वयं यातायात कार्यालय जान नपर्ने