देवघाटमा निशुल्क ऑखा शिविर सम्पन्न

शनिबार, माघ २४, २०७७ मा प्रकाशित

चितवन । गलेश्वर आश्रमद्वारा सञ्चालित देवघाट सामुदायिक अस्पताल देवघाटमा निःशुल्क आँखा शिविर सञ्चालन भएको छ । जेष्ठ नागरिक, देवघाटका स्थानीय मानिसहरुको आँखाको समस्या हटाउन शिविर सञ्चालन गरिएको हो । शिविरमा २ सय ७३ जनाले निशुल्क रुपमा आँखाको चेकजाँच गराएका छन् । आँखा जाँच संगै उनीहरुले औषधि समेत निःशुल्क पाएका छन् ।

शिविरमा २ सय ५० जना ओपिडिका विरामी रहेका छन् भने २३ जना मोतीयाविन्दुका विरामीहरु रहेका छन् । मोतीयाविन्दुका बिरामीहरुलाई निःशुल्क शल्यक्रिया गरिने भरतपुर आँखा अस्पतालले जानकारी दिएको छ । एक दिने निःशुल्क आँखा शिविरमा बृद्धबृद्धा, स्थानीय बासिन्दाहरुले निःशुल्क उपचार सेवा पाएकोमा खुसी व्यक्त गरेका थिए । देवघाट गाउँपालिका , भरतपुर आँखा अस्पताल , रोटरी क्लब अफ नारायणी मीड टाउन , रोटरी क्लब अफ भरतपुर सहयोगमा ओमन रोटरी नेपाल रिजन्ल ३२९२ नेपालको आयोजनामा शिविर भएको थियो ।

शिविरमा भरतपुर आखाँ अस्पताल चितवनका सिनियर असिस्टेन सजनी कायास्थाले बृद्धबृद्धाहरुको आँखा परीक्षण संगै अन्य स्वास्थ्य सुझाव समेत दिएका थिइन् । आँखा जाँचका क्रममा बृद्धाश्रममा रहेका बृद्धबृद्धाहरु र स्थानीयहरुमा आँखाको समस्या देखिएको थियो । निःशुल्क आँखा जाँच र औषधि पनि निःशुल्क रुपमा पाएकोमा बृद्धा पद्मावति पौडेलले भनिन् ।

‘मर्ने वेलामा पनि आँखा जाँच गर्न पाईयो, तपाइहरु बर्षेनी यसरी नै आइदिनुहोला’— पद्मावतिले भनिन् । त्यसो त उनलाइ अघिल्लो बर्ष पनि यहिँ आँखा जाँच गराएको याद अझै ताजा छ । त्यसैगरी मणिराज उप्रेतीले पनि आफुले आंखा देख्न छाडेको भन्दै आँखा देख्ने बनाइदिन आग्रह गरेका थिए । साथै उनले जिवन भन्दा आँखा प्यारो भएको अभिव्यक्ति दिए ।