☰

भर्खरै

लोकप्रिय समाचार

दोस्रो चरणको खोप अभियान आजदेखि सुरु हुँदै

  •   सोमबार, माघ २६, २०७७ मा प्रकाशित
    • अ
    • अ
    • अ

    काठमाडौँ । सरकारले आजदेखि कोरोना विरुद्धको दोस्रो चरणको खोप अभियान सुरु गर्दैछ । स्वास्थ्य तथा जनसंख्या मन्त्रालयले माघ १४ गतेबाट विभिन्न चरणमा खोप अभियान सञ्चालन गर्ने योजना अनुसार आजदेखि दोस्रो चरणको खोप अभियान सञ्चालन गर्न लागेको हो ।

    मन्त्रालयका प्रवक्ता डा. जागेश्वर गौतमले दोस्रो चरणको खोप अभियान अन्तर्गत सञ्चारकर्मी, यातायात क्षेत्रका कर्मचारी, बैंकका कर्मचारी लगायतलाई कोरोना विरुद्धको खोप लगाइने जानकारी दिए । प्रवक्ता गौतमले देशभर तोकिएका खोप केन्द्रबाट कोरोना विरुद्धको खोप लगाउन सकिने भन्दै सरकारी कार्यालयबाट परिचपय खुल्ने र सम्बन्धीत कार्यालयको आधिकारिक प्रमाणपत्र सहित खोप केन्द्रमा गएर खोप लगाउन सकिने बताए ।

    सरकारले सुरु गरेको पहिलो चरणको खोप अभियान अन्तर्गत कोरोना विरुद्धको लडाईमा अग्रस्थानमा खटिएका स्वास्थ्यकर्मी, सुरक्षाकर्मी र सफाइकर्मीलाई गरि झन्डै एक लाख ८६ हजारभन्दा बढीले खोप लगाएका थिए । आजदेखि सुरु हुने दोस्रो चरणको खोप अभियान एक सातासम्म चल्ने प्रवक्त गौतमको भनाई छ ।

    लोकप्रिय

    भर्खरै