काठमाडौं । विपन्न वर्गहरुलाई लक्षित गर्दै ल्याइएको ‘कोभिड–१९ बीमा’ पोलिसीमा आकर्षण देखिएको बीमा समितिका अध्यक्ष चिरञ्जीवि चापागाईंले बताएका छन् ।आइतबार नेपाल आर्थिक पत्रकार संघ (नाफिज)ले आयोजना गरेको भर्चुअल अन्तरक्रिया कार्यक्रममा बोल्दै अध्यक्ष चापागाईले ट्रायालका लागि ल्याएको बीमा पोलिसीमा सर्वसाधारणको आकर्षण देखिएको बताएका हुन् ।

हामीले यो कत्तिको प्भावकारी हुन्छ भनेर न्युन आए भएका नागरिकहरुलाई लक्षित गरेर ल्याएका थियौं’ अध्यक्ष चापागाईंले भने, ‘ट्रायलको लागि ल्याएको भए पनि यसमा निकै आकर्षण देखिएको छ ।’यो बीमा योजनालाई थप कसरी प्रभावकारी बनाउने भन्ने विषयमा पनि छलफल भइरहेको अध्यक्ष चापागाईंले बताए । अध्यक्ष चापागाईंले कोरोनाको कारण यसपाली बीमा कम्पनीहरुको नाफामा पनि असर पर्ने बताए । यद्यपि, बोनसमा भने खासै असर नपर्ने उनको अनुमान छ ।

जीवन बीमक संघका अध्यक्ष शिवनाथ पाण्डेले जीवन बीमा कम्पनीहरुलाई पनि कोरोनाको असर परेको बताए । कोरोनाका कारण अहिले नयाँ पोलिसी जारी गर्न अप्ठेरो रहेको उनले बताए ।उनका अनुसार जीवन बीमा कम्पनीहरु अहिले पोलिसी नविकरणतर्फ केन्द्रीत भएका छन् । उता निर्जिवन बीमा कम्पनीहरुले भने अनलाइनमार्फत नै धमाधम कोभिड–१९ बीमा गराइरहेका छन् । निर्जिब बीमक संघका उपाध्यक्ष एनपी प्रधानले पछिल्लो एकसातामा ७१९ वटा पोलिसी बिक्री गरिएको जानकारी दिए । उनका अनुसार १० हजार ७ सय २९ सदस्यको बीमा बीमाबाट ५७ लाख रुपैयाँ भन्दा बढी बीमा शुल्क आर्जन भएको छ ।

बाढी प्रभावित ऋणीलाई बैंकको किस्ता तिर्न पुस मसान्तसम्मको समय

अब सवारी दर्ता तथा नामसारीका लागि धनी स्वयं यातायात कार्यालय जान नपर्ने

पूर्वराजा ज्ञानेन्द्रले यस वर्ष सर्वसाधारणलाई दसैँको टीका नलगाइदिने