चितवन । चितवनमा जारी ‘सेन्ट्रल कलेज स्व. बिजय खड्गी स्मृति गोल्डकप फुटबल’ मा त्रिभुवन आर्मी क्लब विजयी भएको छ । विवादास्पद खेलमा आर्मीले सुनौलो सँगम युवा क्लब बुटवललाई ५/० ले पराजित गरेको हो ।

आर्मीको जितमा सन्तोष केसी र सुशान्त चौधरीले समान २/२ गोल गरे । यस्तै राजेश पौडेलले एक गोल गरे । सन्तोषले पहिलो हाफको १० औं मिनेटमा गोल गर्दै आर्मीलाई अग्रता दिलाएका थिए ।

२९ औं मिनेटमा बुटवल १० खेलाडीमा सिमित भयो । बुटवलका आशिष गुरुङले आर्मीका खेलाडीलाई फल गरेपछि रेफ्रीले पहिलो कार्ड दिएका थिए । तर उनले रेफ्रीसँग विवाद गरेपछि रेड कार्ड खाँदै मैदान छोडेका थिए । गुरुङले रेड कार्ड खाएपछि खेलमा केही बेर विवाद उत्पन्न भएको थियो ।

पहिलो हाफमै सुशान्तले गोल गर्दै आर्मीको आग्रता दोब्बर बनाए । उनले पहिलो हाफको ४५ औं मिनेटमा गोल गरे । पहिलो हाफको इन्जुरी समयमा आर्मीका लागि राजेशले तेस्रो गोल गरे ।

दोस्रो हाफमा आर्मीले थप दुई गोल गर्‍यो । दोस्रो हाफको ३६ औं मिनेटमा सन्तोषले व्यक्तिगत दोस्रो तथा टिमका लागि चौथो गोल गरे । लगत्तै दोस्रो हाफको ३७ औं मिनेटमा सुशान्तले व्यक्तिगत दोस्रो गोल गर्दै टिमका लागि पाँचौ गोल गरेपछि आर्मी ५(० ले बिजयी भयो ।

प्रतियोगिता अन्तर्गत सोमबार लेखनाथ युनाइटेड पोखरा र बागमती युवा क्लब सर्लाहीबीच खेल हुनेछ । चितवन जिल्ला फुटबल संघको आयोजनामा जारी प्रतियोगिताको बिजेताले ३ लाख तथा उपबिजेताले १ लाख ५० हजार रुपैयाँ प्राप्त गर्नेछ ।

प्रत्येक खेलको म्यान अफ दि म्याचले ५ हजार, प्रतियोगिताभरको उत्कृष्ट खेलाडीले २० हजार तथा विधागत रुपमा उत्कृष्ट हुने खेलाडीले १०(१० हजार रुपैयाँ प्राप्त गर्नेछन् ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै