हेटौंडा । बागमती गाँउपालिका खेलकुद विकास समितिको आयोजनामा मकवानपुरको बागमती गाउँपालिकामा सम्पन्न भएको चौथो बागमतली गोल्डकप फुटबल प्रतियोगिताको उपाधि ए डिभिजन क्लब थ्रीस्टार क्लबले जितेको छ । पहिलो हाफमा २ गोलले पछि परेको अवस्था उल्ट्याउँदै ए डिभिजन टोली थ्रीस्टारले उपाधि आफ्नो बनाएको हो ।

थ्रीस्टालर अफ्रिकन रुट्स एसोसिएसन क्यामरुनलाई ३–२ गोल अन्तरले हराउँदै थ्रीस्टारले उपाधि जितेको हो । थ्रीस्टार क्लबको जितका लागी मनिष डाँगी, निशान खड्का र कप्तान रुपेश केसीले एक एक गोल गरे भने अफ्रिन क्लब क्यामरुनका लागी एमफोम र मौसाले गोल गरेका थिए । फाइनल खेलको म्यान अफ द म्याच थ्रीस्टारका निशान खड्का भए भने उनले नगद ५ हजारसहित ट्रफी प्राप्त गरे ।

प्रतियोगिताको उपाधि बिजेता थ्रीस्टारले नगद ८ लाख रुपैयाँ प्राप्त गरेको छ भने उपविजेता भएको क्यामरुनको अफ्रिकन रुट्सले ४ लाख रुपैयाँमै चित्त बुझाएको छ । प्रतियोगिताको सर्वोत्कृष्ट खेलाडी थ्रीस्टारका कप्तान रुपेश केसी भए । उनले नगद ५१ हजार रुपैयाँसहित ट्रफी प्राप्त गरे ।

प्रतियोगिताका विजेता तथा उत्कृष्ट खेलाडीहरुलाई अखिल नेपाल फुटबल संघ (एन्फा) का अध्यक्ष कर्माछिरिङ शेर्पा, बागमती प्रदेशका प्रदेशसभा सदस्य प्रेमबहादुर पुलामी छिन्तु, बागमती प्रदेश खेलकुद परिषद्का सदस्य सचिव सूर्यलाल भण्डारीलगायतले पुरस्कार वितरण गरेका हुन् ।

चितवन जिमका सुर्जेले जिते दोस्रो मिस्टर चितवनको उपाधि

बिसिए प्राइड लिग क्रिकेट असोज १८ देखि, खेल तालिका पनि सार्वजनिक

दोस्रो मिस्टर चितवन असोज १६ र १७ गते, तयारी तीव्र