चितवन । चेपाङ गाँउमा खाद्यान्न अभाव भएपछि नारायणगढ स्थित युवा ब्यवसायीको संस्था चितवन राउण्ड टेबलले खाद्यान्न सहयोग गरेको छ । लकडाउनले प्रभावित चेपाङ वस्तिमा शुक्रवार ‘चितवन राउण्ड टेबल ’ ले राहत वितरण गरेको हो । मजदुरी गर्न नपाएपछि घरमा खाद्यान्न अभाव झेलेका परिवारलाई राहत प्रदान गरिएको हो । कालिका नगरपालिकाको वडा नम्बर १० स्थित बन्दीपुरे टोल , जिङ्लाउका ३५ घरधुरीका चेपाङ परिवारलाई सहयो्ग गरिएको हो ।

युवा ब्यवसायी गाँउमै पुगेर सहयोग हस्तान्तरण गरे । हरेक परिवारलाइृ एक बोरा चामल सहित खाद्य सामाग्री सहयोग गरेका हुन । राउण्ड टेबलका अध्यक्ष सुशान्त चाछनले विपतको वेला गरिबीको रेखामुनि रहेका नागरिकको सहयोग गरेको बताए । थोरै सहयोगले अरुले खान पाउन भनेर युवाहरु आफै लागेको बताए । लकडाउनले ज्याला मजदुरी गर्न नपाएपछि आर्थिक अभावमा अन्न किन्न नसक्ने अवस्थामा छन् ।

चेपाङ अभियन्ता केपीकिरण शर्माले चेपाङ वस्तिमा अनिकाल सुरु भएको बताए । युवाहरुको सहयोगले भोकमरीको घाउमा मलम लगाएको बताए । उनका अनुसार आर्थिक अभावले चेपाङहरुले खाद्यान्न किनेर खान नसक्ने अवस्थामा रहको शर्माले बताए । राउण्ड टेबलका परियोजना संयोजक रेस्सल श्रेष्ठले सामाजिक कामका लागी विभिन्न कार्यक्रम गरेको बताउदै कोरोनाको कहरमा परेको वस्तिलाई यसपटक लक्षित गरेको बताए ।

राउण्ड टेबलका उपाध्यक्ष राहुल अग्रवाल , कोषाध्यक्ष केविन अग्रवाल , सदस्यहरु सन्तोस भट्टराई , सुलभ ढकाल , प्रतिक अग्रवाल , सरोज पौडेल , रोहन भण्डारी राहत वितरणका लागी पुगेका थिए ।

 

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै