एजेन्सी । अमेरिकाको मायामीमा १२ तले भवन भत्किँदा बेपत्ता हुनेको संख्या १५९ पुगेको छ । अमेरिकी सञ्चारमाध्यमका अनुसार फ्लोरिडाको मायामीमा रहेको सो भवन भत्किँदा बेपत्ता हुनेको सूचिमा मानिसहरुको संख्या थपिएको हो । अहिलेसम्म सो घटनामा चारजनाको ज्यान गएको पुष्टि भएको छ । मायामी–डाडेका मेयरले अझै पनि बेपत्ताहरुलाई जीवितै उद्धार गर्न सकिने आश रहेको बताएका छन् ।

उद्धारकर्मीहरु सो क्षेत्रमा निरन्तर खटिएका छन् । भग्नावशेषबाट मानिसका आवाज सुनिएको जनाइएको छ । स्थानीय समय अनुसार बिहीबार बिहानै भवन भत्किएको हो । के कारणले ४० वर्ष पुरानो सो भवन भत्कियो भन्ने अझै खुलेको छैन । सो भवनमा कम्तीमा १०२ जना बस्ने गरेको खुलेको छ, तर घटना हुँदा कतिजना थिए भन्ने स्पष्ट छैन ।

राष्ट्रपति जो बाइडेनले फ्लोरिडाका लागि आपतकालिन अवस्था घोषणाको प्रस्ताव स्वीकृत गरेका छन् । सयौँ उद्धारकर्मीले भग्नावशेषमा फसेकाहरुको खोजी गरिरहेको बताइएको छ ।

बाढी प्रभावित ऋणीलाई बैंकको किस्ता तिर्न पुस मसान्तसम्मको समय

अब सवारी दर्ता तथा नामसारीका लागि धनी स्वयं यातायात कार्यालय जान नपर्ने

पूर्वराजा ज्ञानेन्द्रले यस वर्ष सर्वसाधारणलाई दसैँको टीका नलगाइदिने