जनकपुरधाम ।  महोत्तरीकी एक महिलाको शव गाडिएको अवस्थामा भेटिएको छ । लोहरपट्टी नगरपालिका–७ भ्रमरपुराकी २६ वर्षीया सुजिता ठाकुरको शव फेला परेको हो ।

जेठ २० गतेदेखि बेपत्ता रहेकी सुजिताको खोजीकार्य क्रममा प्रहरीले शव फेला पारेको हो । सुजिताको शव घर नजिकैको पेट्रोल पम्प छेउमा दुवै हात बाँधेर खाल्डो खनी गाडिएको अवस्थामा फेला परेको प्रदेश २ का प्रहरी प्रमुख डीआईजी उमेश रञ्जितकारले बताउनु भयो ।

सुजिताको शव गाडिएको विशेष सूचनाको आधारमा उक्त ठाउँमा उत्खनन् गर्दा शव फेला परेको छ,’ उहाँले भने, ‘तर शवको डीएनए परीक्षण गर्न बाँकी छ ।’ शव फेला परेपछि यस विषयमा थप अनुसन्धान शुरु गरिएको डीआईजी रञ्जितकारले जानकारी दिनुभयो ।

सुजिताको हत्या आशंकामा प्रहरीले यसअघि १३ असारमा उनका पति मुकेश र देवर रुपेशलाई नियन्त्रणमा लिएर अनुसन्धान गरिरहेको थियो । रञ्जितकारका अनुसार सुजिताको शव मृतकका ससुराको जग्गामा फेला परेको छ ।

सुजिता बस्ने घरबाट करिब आधा किलोमिटर टाढा रहेको जग्गामा शव फेला परेको हो। त्यहाँ गाडेर ढलान गरिएको अवस्थामा शव फेला परेको छ । प्रहरीले आइतबार शव निकालेपछि मृतकका आमाबुवाबाटै सनाखत गराइएको थियो। प्रहरीले शवको पोष्टमार्टमको लागि प्रदेशिक अस्पताल जनकपुर पठाउने तयारी गरेको छ।

मधेशको सभामुखमा दुई जनाको उम्मेदवारी, आज मतदान हुदै

मधेशका मुख्यमन्त्री यादवले आज विश्वासको मत लिदै

मधेशको सरकार गठनविरुद्धको रिटको सुनुवाई आज हुदै