चितवन । एम्बुलेन्स सेवा सञ्चालन समितीको सक्रियताले भरतपुर अस्पतालमा एम्बुलेन्सको दादागिरी हटेको छ । विभिन्न स्थानबाट अस्पतालमा बिरामी लिएर आउने एम्बुलेन्सहरुले बिरामी छोडेपछि सम्बन्धीत ठाँमा नगई बढी पैसा कमाउने दाउमा अस्पताल कम्पाउन्ड परिसरमा कुर्ने, आकस्मिक र डेलिभरी कक्ष जाने बाटो नै छेकेर पार्किङ गर्ने गर्दा बिरामीहरुले सास्ती खेप्दै आएका थिए ।

एम्बुलेन्स सेवा सञ्चालन समितीका संयोजक तथा चितवनका प्रमुख जिल्ला अधिकारी नारायण प्रसाद भट्टराईको संयोजकत्वमा फागुन २० गते बसेएको बैठकले त्यस्ता एम्बुलेन्सलाई कडाईका साथ कारबाही गरने निर्णय गरे पछि एम्बुलेन्सको मनपरी ब्यवहार हटेको हो ।
अबका दिनमा अस्पतालमा बिरामी पुर्याएपछि पूनः आफ्नो स्थायी ठेगानामा नजाने त्यस्ता एम्बुलेन्सहरुलाई समितिको सर्त अनुसार नियन्त्रणमा लिई संचालनमा रोक लगाउने भट्टराईले बताउनु भएको छ । उहाँले भन्नुभयो ः बिरामीलाई छिटो भन्दा छिटो अस्पताल सम्म पुर्याउने काम एम्बुलेन्सको हो, बिरामी ओराली सकेपछि आफ्नो सम्बन्धीत ठाँउमा जानु पर्छ कुरेर बस्ने हौन् ।
मानिसको जीवनसंग जोडीएको एम्बुलेन्स आफ्नो जिम्मेवारी छोडेर अस्पतालबाट को डिस्चार्ज हुन्छ र लिएर जाउला भनि ढोका कुर्दा अन्त कोही सेवा नपाएर अकालमा ज्यान गुमाउन सक्छ । उहाँले बिरामीलाई घरसम्म पुर्याउन एम्बुलेन्सको आवश्यक्ता परे अस्पताल प्रशासन, जिल्ला प्रशासन, जिल्ला प्रहरीले व्यवस्था गर्ने भन्दै तोकिएको काम गर्न एम्बुलेनस वालालाई आग्रह समेत गर्नुभएको छ ।

यस्तै भरतपुर अस्पतालका मेडिकल सुपेरिटेन्डेट श्रीराम तिवारीले अस्पतालको मुख्य दावार र बिरामी हिड्ने मुख्य सडक नै छेकेर एम्बुलेन्स पार्किङ गरिदिदा बिरामीले सास्ती खेपेको बताउदै समितीको सक्रियताले अहीले बिरामी र चिकित्सक दुवैलाई फाईदा पुगेको बताउनु भएको छ ।

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै

उत्कृष्ट नतिजा दिलाउने अङ्कुरम् एकेडेमीका विषयगत शिक्षक सम्मानित