सांकेतिक तस्विर

आँबुखैरेनी । लागु औषध मुद्दामा कैद सजाय तोकिएका फरार तनहुँ आँबुखैरेनीका २ जानलाई प्रहरी पक्राउ गरेको छ। जिल्ला प्रहरी कार्यालय तनहुँले दिएको जानकारी अनुसार फरार अभियुक्तलाई बिहिबार पक्राउ पक्राउ गरेको हो। पक्राउ पर्नेहरुमा तनहुँको आँबुखैरेनी गाउँपालिका २ सत्रसयका २५ वर्षीय बिजय गुरुङ र सोहि ठाउँका २६ वर्षीय बिजय अधिकारी रहेका छन्।

उनीहरु दुवैलाई अदालतले तोकिएको कैद सजाय र जरिवाना भुक्तानको लागि कारागार चलान गरिएको जिल्ला प्रहरी कार्यालय तनहुँले जानकारी दिएको छ। आरोपित द्वयलाई अदालतले २०७४ साल असार १४ गते गरेको पैmसालामा लागु औषध मुद्दामा जनही १० दिन कैद र २ हजार रुपैयाँ जरिवाना तोकिएको थियो।

यस्तै विभिन्न अपराध एवं मुद्दाहरुमा संलग्न रही फरार रहेका तथा सम्मानित अदालतबाट फैसला भई दण्ड, जरिवाना, दसौदी, कोर्ट फि र सरकारी बिगो समेत तिर्न बाँकी भएका व्यक्तीहरुको खोजी गर्ने क्रममा कर्तब्य ज्यान मुद्दामा फरार रहेका १ जना र गाली बेईज्यती मुद्दामा फरार १ जनालाई समेत पक्राउ गरेको प्रहरीले जानकारी दिएको छ।

उनीहरुलाई पनि तोकिएको जरिवाना र सजाय भुक्तानको लागी तनहुँ जिल्ला अदालतमा उपस्थित गराईएको छ।

बाढी प्रभावित ऋणीलाई बैंकको किस्ता तिर्न पुस मसान्तसम्मको समय

अब सवारी दर्ता तथा नामसारीका लागि धनी स्वयं यातायात कार्यालय जान नपर्ने

पूर्वराजा ज्ञानेन्द्रले यस वर्ष सर्वसाधारणलाई दसैँको टीका नलगाइदिने