बैतडी । नेकपा एकीकृत समाजवादी पार्टीको मेलौली नगरपालिकामा नगर अधिवेशन सम्पन्न भएको छ । मेलौलीमा भीम भट्टको अध्यक्षता ५१ सदस्यीय नगर कमिटी गठन गरिएको पार्टी प्रदेश कमिटी सदस्य शेरबहादुर चन्दले बताए । नगर कमिटीको उपाध्यक्षमा चन्द्र भट्ट, सचिवमा किशोर भट्ट, सहसचिवमा करन चन्द र नरेन्द्र ओझा चयन भएको उनले बताए ।
नगर अधिवेशन उद्घाटन कार्यक्रमका प्रमुख अतिथि पार्टीका केन्द्रीय सदस्य तथा पूर्व प्रदेश मन्त्री माया भट्ट रहेकी थिइन् । कार्यक्रममा पार्टीका जिल्ला कमिटी अध्यक्ष महादेव भट्ट, प्रदेश कमिटी सदस्य लक्ष्मण भट्ट, सेरबहादुर चन्द, पार्वती भट्टलगायतका नेताको सहभागिता थियो ।
कार्यक्रमको सम्बोधन गर्दै प्रदेशसभा सांसद समेत रहेका एकीकृत समाजवादीकी केन्द्रीय सदस्य माया भट्टले सबैलाई आफ्नो पार्टीमा आबद्ध हुन आग्रह गरिन् । एकीकृत समाजवादी नयाँ पार्टी नभई पुरानै नेताहरू आबद्ध कम्युनिस्ट पार्टी भएकाले अलमलमा नपर्न उनको आग्रह छ ।
उनले आफू प्रदेश सरकारको उद्योग, पर्यटन, वन तथा वातावरण मन्त्री भएका बेला तल्लोसोराड क्षेत्रमा धार्मिक, सांस्कृतिक, पर्यटकीय क्षेत्रका साथै शिक्षा, स्वास्थ्य, यातायात लगायतका क्षेत्रमा विकास गरेकाले फेरी पनि आवश्यकताका विषय बारे जानकारी गराउन आग्रह गरिन् ।
एकीकृत समाजवादी बैतडीले जिल्लामा संगठन बिस्तारका लागि तीन महिने अभियान चलाएको छ । अहिले वडा र पालिका कमिटी गठन भइरहेको पार्टीका जिल्ला अध्यक्ष महादेव भट्टले बताए । संगठन विस्तार अन्तरगत सदस्यता वितरण, सदस्यता नवीकरण, स्थानीय स्तरका कमिटी गठनदेखि जनवर्गीय संगठनका अधिवेशन गरिरहेको उनले बताए ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.