आबुखैरेनी । पहिरोले पाइप बगाएपछि आबुखरैनी बजार तथा गोरखाको मजुवामा खानेपानी आपुर्ति बन्द भएको छ । अबिरल वर्षाको कारण पृथ्वी राजमार्गको ऐनापहरा नजिकै सडक माथीबाट खसेको पहिरोले खानेपानीको पाइप बगाएपछि खानेपानी आपुर्ति बन्द भएको हो । खानेपानीको ४ वटा पाइपमध्ये १ वटा पाइप बगाएको र अन्य ३ वटा पाइपमा पनि क्षति पुगेको खानेपानी उपभोक्ता समितिका अध्यक्ष नस्तुराम कडेलले बताए । खानेपानी आयोजना अन्तरगत १९ करोड ९८ लाखको लागतमा १८ महिनामा सम्पन्न गर्ने गरि रमन गोरखा प्रेस लि।जे।मी। निर्माण जिम्मा पाएर २०७२ असोज १९ गतेबाट निर्माण कार्य सुरु भएको खानेपानी आयोजना ठेकेदारको लापारबाहीको कारण पटक पटक म्याद थप्दा पनि अहिलेसम्म पानीको लिफ्टीङ्ग लगाएत अन्य काम हुन नसकेको अध्यक्ष कडेलले बताए । अक्ष्यक्ष कडेलका अनुसार निर्माण कार्य सम्पन्न भएको दई वर्षसम्म ठेकेदारले नै मर्मत सम्भार गर्ने गरि समझौता भएकोले ठेकेदारलाई मर्मत गर्न ताकेता गरिसकिएको छ । पाइप मर्मत गर्न समय लाग्ने भएकोले तत्कालको लागि पुरानै पाइप मर्मत गरेर पानीको आपुर्तिको लागि प्रयास भइरहेको उपभोक्ता समितिका उपाध्यक्ष शालिकराम अधिकारीले बताए ।

गण्डकी प्रदेशमा काँग्रेसका सांसद कुँवरले दिए राजीनामा

महावीर पुनको पोखराका मेयरलाई जवाफ- प्राथमिकता कता हो !

तराईसँग जोडियो ढोरपाटन, बागलुङवासीका लागि अवसर