स्मार्ट सिटि बनाउन लागिएको भरतपुर महानगरपालिकामा फोहर व्यवस्थापन हुन सकेन, शहर नै दुर्गन्धित

बिहिबार, असार १८, २०७७ मा प्रकाशित

चितवन । चितवनको स्मार्ट सिटि बनाउन लागिएको भरतपुर महानगरपालिकाको नारायणगढ बजार क्षेत्रमा फोहोर नउठ्दा हिँडडुल गर्नै समस्या भइरहेको छ। छरपस्ट छरिएका फोहोरका कारण बजार नै दुर्गन्धित भएको छ । कुहिने र नकुहिने फोहोर एकै ठाउँमा मिसाइएको छ । कतै रक्सीका सिसाहरु छन्। त कतै कुहिएको तरकारी तथा फलफूल फालिएका छन्। प्रयोगमा ल्याइसकेको पन्जाहरु पनि त्यसै फालिएको छ। लगातारको वर्षाले गर्दा पानी बगेर हिलो समेतभइरहेको छ। जसले गर्दा स्थानीयहरु र बजार हिडडुल गर्नेहरु आक्रोश भएका छन्। स्थानीयवासिहरुले फोहर नउठेर शहर नै दुर्घन्धित भएको र भरतपुर महानगरपालिकालाई खबर गर्दा फोहर व्यवस्थापन गर्ने डम्पिङ साइड नभएर फोहर नउठेको भन्ने गैरजिम्मेवारी पुर्ण जवाफ दिएको बताएका छन्। भरतपुरमहानगरलाई स्मार्ट सिटि बनाउने भनिरहदा फोहर व्यवस्थापन नहुनु दुखको कुरा रहेको बताउदै छिटो भन्दा छिटो फोहर व्यवस्थापन गर्न स्थानीयले आग्रह गरेका छन्। फोहर सबैले गर्ने फोहर व्यवस्थापन महानगरले मात्र गर्नुपर्छ भन्ने भएपछि फोहोर व्यवस्थापन गर्न नसकीएको भरतपुर महानगरपालिकाका वातावरण शाखाका इन्जिनियर विराट घिमिरेले वताउनुभएको छ । फोहोर कहिले उठ्छ भन्ने कुरा नै अनिश्चित भएको महानगरका इन्जिनियर घिमिरे वताए। भरतपुर महानगरपालिकाले भरतपुर ३ को नारायणी नदि किनारमा फोहोर डम्पिङ गर्दै आएको थियो । त्यहाँका स्थानियहरुले फोहोर थुपार्न नदिएपछि बजारबाट फोहोर नउठेको हो। भरतपुर महानगरपालिकालाई स्मार्ट सिटि बनाउन पहल गरि रहादा फोहोर व्यवस्थापन गर्ने डम्पिङ साइड व्यवस्थापन गर्न नसक्नु लज्जास्पद रहेको छ। फोहरको उचित व्यवस्थापन नहुनाले विभिन्न रोग लाग्न सक्छ। त्यसैले यथासिघ्र फोहोर व्यवस्थापन गर्न जरुरी छ।