गैंडाकोट । कलेज अफ मेडिकल साईन्सेस शिक्षण अस्पतालले पूर्वी नवलपरासीका महिला प्रहरीको निःशुल्क स्वास्थ्य परीक्षण गरेको छ । सामुदायिक प्रहरी साझेदारी अन्तर्गत आज इलाका प्रहरी कार्यालय गैंडाकोटमा ४० जना महिला प्रहरीको स्वास्थ्य परीक्षण गरिएको हो । सामुदायिक सेवा केन्द्र गैंडाकोट, सामुदायिक प्रहरी सेवा केन्द्र तथा ईलाका प्रहरी कार्यालय गैंडाकोटको आयोजना र पुरानो मेडिकल कलेजको प्राविधिक सहयोगमा एक दिने स्त्री रोग सम्बन्धी निःशुल्क स्वास्थ्य शिविर सम्पन्न भएको हो ।

शिविरमा नवलपुर क्षेत्रमा कार्यरत ४० जना महिला प्रहरी कर्मचारी र प्रहरी परिवारको स्वास्थ्य परीक्षण गरिएको ईलाका प्रहरी कार्यालय गैंडाकोटका प्रहरी निरीक्षक लक्ष्मी खनालले जानकारी दिनुभयो । कार्यक्रममा प्रमुख अतिथि प्रहरी उपरीक्षक प्रज्ज्वल मानन्धरले सधैं ड्युटीमा खटिनु पर्ने, समयमा खाना र खाजा समेत खान नपाउने महिला प्रहरीले कार्यालयमै स्वास्थ्य सेवा पाएकोमा खुशी व्यक्त गर्नुभयो । उहाँले भन्नुभयो “प्रहरीलाई आराम गर्ने समयमा पनि हुँदैन, समय–समयमा आफ्नो स्वास्थ्य जाँच गराउन पनि पाउनु हुन्न, तर आज कार्यालयमै सेवा पाउनु खुशीको विषय हो ।” उहाँले यस्ता कार्यक्रममा निरन्तरता दिनु पर्नेमा जोड दिनुभयो ।

सो अवसरमा पुरानो मेडिकल कलेजका वरिष्ठ स्त्री तथा प्रसुती रोग विशेषज्ञ डा. शुभ श्रेष्ठ, रेडियोलोजिस्ट डा. अनिश आचार्य, डा. सुस्मिता देवकोटा लगायतले विशेषज्ञ सेवा प्रदान गर्नुभयो । उक्त अवसरमा सोही ठाउँमा निःशुल्क भिडियो एक्सरे, पाठेघरको मुखको क्यान्सरको जाँच सुगर जाँच गराइएको थियोे । अस्पतालका जनसम्पर्क विभाग प्रमुख दुर्गाप्रसाद न्यौपाने निजी क्षेत्रको पुरानो र ठूलो यस अस्पतालले संस्थागत सामाजिक उत्तरदायित्व अन्तर्गत समाजमा रहेका सम्पूर्ण पक्षलाई समेटी स्वास्थ्य सम्बन्धी यस्ता कार्यक्रमहरु गर्दै आएको बताउनुभयो ।

उहाँले भोलिका दिनमा अझै प्रभावकारी ढंगले यस्ता कार्यक्रम गर्दै जाने र आफ्नो गुणस्तरीय सेवा सबै सेवाग्राहीको पहुँचमा पुर्याउने बताउनुभयो ।

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्