चितवन । चितवनमा श्रीमतीको अचानो प्रहारबाट श्रीमानको मृत्यु भएको छ । भरतपुर महानगरपालिका वडा नम्बर २१ पार्वतीपुरमा ५६ बर्षीय टिकाराम बिकको मृत्यु भएको हो ।

आज अपरान्ह ४ बजेर २० मिनेटमा उनकै निवासमा बिकलाई प्रहरीले मृत अवस्थामा फेला पारेको थियो । जिल्ला प्रहरी कार्यालय चितवनको प्रारम्भिक अनुसन्धान अनुसार सोमबार बिहान अन्दाजी १०ः०० बजेको समयमा श्रीमान श्रीमती बिच झगडा हुँदा श्रीमती ५४ बर्षीय बिनमाया बि.क. ले घरमै रहेको अचानोले टाउकोमा हान्दा उक्त चोट लागेको हो ।

मृतक बिकलाई आफ्नै घरको कोठामा भित्रबाट चुकुल लगाई ओच्छयानमा लडिरहेको अवस्थामा भेटिएको थियो । प्रहरीले चुक्कुल फुटाएर हेर्दा बि.क. खुट्टाले भुईमा टेकी टाउको र जीउको भाग खाटमा घोप्टो अवस्थामा रहेको र तालुको भागमा काटेको चोट रही उक्त काटेको चोटबाट अत्यधिक रक्तश्राव भई सिरानीमा जमेको अवस्थामा फेला पारेको थियो ।

प्रहरीले मृतकको श्रीमती बिनमाया लाई नियन्त्रणमा लिएको छ । मृतक लाश पोष्टमार्टमको लागि भरतपुर सरकारी अस्पताल पठाईएको छ र यसबारे थप अनुसन्धान भईरहेको प्रहरीले जनाएको छ ।

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार

तीन महिनामा २० हजारभन्दा बढीले गरे पाथीभराको दर्शन, ३३ लाख २६ हजार भेटी संकलन

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता