चितवन । चितवनमा पछिल्लो केही दिनयता कोरोना भाइरसको सक्रिय संक्रमित संख्या घट्दै गएको छ । केही दिन अघि एक सय नाघेको सक्रिय संक्रमित संख्या अहिले घट्दै गएको हो ।

स्वास्थ्य कार्यालय चितवनका अनुसार आज (मंगलबार) चितवनमा ६४ जना मात्रै सक्रिय संक्रमित रहेका छन् । यस अघि सोमबार जिल्लाभर ८३ जना सक्रिय संक्रमित थिए । पछिल्लो २४ घण्टामा मात्रै १९ जना निको भएका हुन् । हाल जिल्ला भर रहेका ६४ सक्रिय संक्रमित मध्ये ६३ जना होमआइसोलेसनमा छन् । अर्का एक जना अस्पतालमा रहेका छन् ।

उता सोही अवधिमा ६ जना संक्रमित थपिएका छन् । ९६ पिसिआर परीक्षणबाट चार तथा १३ एन्टिजेनबाट दुई जनामा कोरोना पुष्टि भएको हो । यससँगै अहिलेसम्म कुल संक्रमितको संख्या ३३ हजार ९५० पुगेको छ । कुल संक्रमित मध्ये ३३ हजार ४३६ जना निको भएका छन् । यस्तै हालसम्म कोरोनाबाट चार सय ५० जनाले ज्यान गुमाएका छन् ।

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्