चितवन । विश्वका ठूला शहरहरुमा पर्यटकको मुख्य आकर्षण नदीका गतिबिधि हुने गर्दछन् । नेपालमा धेरै सुन्दर नदीहरु भएर पनि त्यसको उचित व्यवस्थापन हुन नसक्दा पर्यटकीय आकर्षण नदी कमै मात्र हुने गरेको छ ।
भरतपुर महानगरपालिकाले नारायणी नदीको किनारलाई व्यवस्थित गरेर पर्यटकीय आकर्षणको केन्द्र वनाउने भएको छ । भरतपुर महानगरपालिका वडा नम्बर १ स्थित नारायणगढ वजार संगै नारायणी नदी किनारलाई व्यवस्थित गर्न थालिएको हो । नारायणी नदीको पुल देखि नारायणी लिफ्ट सिचाई सम्मको भूभागलाई संरचनाहरु निर्माण गरि सुन्दर वनाउन लागिएको हो ।

महानगरपालिकाका ई. अस्मिता खनालका अनुसार त्यस भूभागलाई पाँच भागमा बिभाजन गरेर संरचनाहरु निर्माण गर्ने गरि बिस्तृत अध्ययन प्रतिवेदन परामर्शदाता कम्पनीले तयार गरेको छ । काठमाडौंको ग्रिड कन्सल्ट नामको कम्पनीले रु २९ करोड ३१ लाख खर्च हुने गरि विस्तृत अध्ययन प्रतिबेदन तयार गरेर महानगरपालिकालाई बुझाई सकेको छ ।
नदी किनारको दुई तर्फको छेउमा हाल भएको संरचनालाई व्यवस्थित गरिने छ । खनालका अनुसार बिचको भागमा धार्मीक क्षेत्र, प्रदर्शनी क्षेत्र र खेल क्षेत्रका लागि छुट्टाछुट्टै स्थान तय गरिएको छ । ती क्षेत्रभित्र पैदलमार्ग, साईकल मार्ग, प्रदर्शनी क्षेत्र, आरती क्षेत्र, धार्मीक प्रबेश क्षेत्र, हरियाली क्षेत्र रहने छन् ।
वगैंचा, फुटवल मैदान, भलिवल कोट, व्याडमिन्टन कोट, बिच भलिवल क्षेत्र, अन्य खेलका लागि छुट्टै भूभाग, बालुवा क्षेत्र, बालबालिकाको खेल क्षेत्र, अबलोकन क्षेत्र, बिस्राम स्थल, शौचालय, पाकीङ्ग लगाएतका संरचना निर्माण गरिने छ । २ दशमलब ५ किलोमिटर लामो सो भूभाग १५ विगाह क्षेत्रमा फैलिएको छ । आँफैमा रमणीय स्थल भएकाले यसलाई व्यवस्थित गरे संगै यहाँको सौन्दर्यता थप आकर्षक वन्ने अपेक्षा गरिएको छ ।
भरतपुर महानगरपालिका प्रमुख रेनु दाहाल आँफुले प्रमुख भए देखिनै नदी किनारलाई पर्यटकीय आकर्षक केन्द्रका रुपमा बिकास गर्न गृहकार्य गर्दै आएको बताउनुभयो । गत आर्थिक वर्षमा सोहि ठाउँमा रु ९७ लाख खर्च गरेर पैदल मार्ग र पार्कहरु निर्माण गरिएको छ । दाहालका अनुसार प्रतिबेदन अनुसार काम गर्न संघ र प्रदेश सरकार संग बजेट माग गरिने छ ।
संघिय सरकारको संस्कृति, पर्यटन तथा नागरिक उड्ययन मन्त्रालयले रु २ करोड १० लाख वजेट बिनियोजन गरि सकेको उहाँले जानकारी दिनुभयो । प्रदेश सरकारले रु ५० लाख र महानगरपालिकाले रु ५० लाख बिनियोजन गरेको छ । दाहालले भन्नुभयो “बिस्तृत अध्ययन प्रतिबेदन स्विकृत संगै थप वजेटका लागि संघ र प्रदेश संग अनुरोध गर्छौ ।” वहुबर्षिय रुपमा काम हुने भएकाले एकातर्फ काम हुँदै जाने र अर्का तर्फ आबश्यक वजेट माग गर्ने कामपनि संगसंगै गरिने उहाँको भनाई छ ।
महानगरको शहरि क्षेत्रमा बसोबास गर्नेहरुका लागि नदी किनार निकै उपयोगी हुने छ भने आन्तरिक र बाह्य पर्यटकका लागि पनि आकर्षक केन्द्र बिन्दु बन्ने दाहालको विश्वास छ । पबित्र तिर्थस्थल देवघाट र नवलपरासी क्षेत्र नदी किनारबाट अबलोकन गर्न सकीने छ । दाहालका अनुसार किनारका संरचना वन्दै गर्दा नदीका खेलहरु पनि खेल्न सकीने छ ।
महानगरका पर्यटन बिज्ञ विश्व सुवेदी नारायणी नदी किनार राम्रो मनोरञ्जन केन्द्रका रुपमा बिकास हुने बताउनुहुन्छ । सामुन्द्रिक किनारको अनुभूती त्यहाँ पुग्ने जो कोहीले पाउने गरि संरचनाहरु निर्माण गर्न लागिएको उहाँको भनाई छ । मूख्य रुपमा आन्तरिक पर्यटक र बाह्यलाई पनि नदी किनार महत्वपूर्ण गन्तव्य वन्ने सुवेदी वताउनुहुन्छ । उहाँले भन्नुभयो “प्रतिबेदन अनुसार काम सम्पन्न हुँदै गर्दा कम्तिमा चार घण्टा बिदेशी पर्यटकलाई पनि घुमाउन सक्ने ठाउँ वन्छ ।”
धार्मीक दृष्ट्रिले नारायणी नदी महत्वपूर्ण मानिन्छ । सोही नदीको तटमा व्यवस्थित संरचनाहरु बने संगै धार्मीक भक्तजन देखि नदी किनारमा खानपिन र खेल्न रुचाउने सम्मको आकर्षणको केन्द्र नदी किनार वन्ने अपेक्षा लिईएको छ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै