चितवन । विगत चार हप्ता देखि भरतपुर अस्पतालको वहिरङ्ग र अन्तरङ्ग विभागमा भर्ना भएका अधिकांश ज्वरोको विरामीहरुमा स्क्रब टाइफस रोग देखिएको छ । ढिलोगरि (ज्वरो आएको एक हप्तापछि) अस्पताल पुगेका विरामीहरुमा जटिल लक्षणहरु देखिएको अस्पतालका प्रवक्ता डा गोविन्द कंडेलले बताए ।

त्यस्ता विरामीमा रगतको प्रेसर घटेर वहु अंङ्ग (मृगौला, कलेजो, फोक्सो ईत्यादि) विग्रने र आइसियूमा उपचार गराउनु पर्ने विरामीको संख्या उल्लेख्य रहेको उनले बताए । यो रोग खेतवारीमा रहने मुसाजन्य प्रजातिमा लाग्ने एक किसिमको कीर्नाले टोकेर लाग्ने हुदाँ घर वरिपरिका झाडी, वुट्यान सफा गर्ने, खेतवारी वा जङ्गलमा जादाँ पुरा शरिर ढाक्ने कपडा लगाउने र खुला चौरमा अनावश्यक लामो समय नबस्न उनले आग्रह गरे ।

यो रोग लागेका विरामीमा ज्वरो आउने, शरिर दुख्ने, टाउको दुख्ने, ग्रन्थी सुन्निने, छालामा किर्नाको टोकाईवाट भएको कालो घाउ/खत देखिने हुन्छ । यस्तो लक्षण देखिएमा तुरुन्त स्वास्थ्य संस्थामा सम्पर्क राख्न कंडेलले सुझाव दिएका छन् ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान