भरतपुर । आस्था टोल र कालिका टोल भरतपुर महानगरपालिका १२ मा जारी अन्तर टोलस्तरीय नाकआउट फुटबलको फाइनलमा प्रवेश गरेका छन् ।
आज (मंगलबार) सम्पन्न सेमिफाइनल खेलमा जित हात पार्दै आस्था र कालिकाले उपाधि भिडन्त पक्का गरेका हुन् । आज सम्पन्न पहिलो सेमिफाइनलमा आस्थाले सहयोगी टोललाई टाइब्रेकरमा पराजित गर्‍यो ।

निर्धारित समयको खेल गोलरहित बराबरीमा सकिएपछि टाइब्रेकरबाट निर्णय भएको हो । जहाँ आस्था ४-३ ले विजयी भयो । गम्भीर रानाको म्यान अफ दि म्याच भए ।

यस्तै आजको दोस्रो खेलमा कालिका टोलले सिर्जनशील टोललाई पराजित गर्दै फाइनलमा स्थान बनायो । प्रतिस्पर्धात्मक खेलमा कालिका २-१ ले विजयी भयो । कालिकाको जितमा कर्णबहादुर थिङ र भुपेन्द्र श्रेष्ठले गोल गरे । सिर्जनशीलका सचेत लम्सालले गोल गरे । कालिकाका कर्णबहादुर थिङ म्यान अफ दि म्याच भए ।

उपाधि भिडन्त जेठ १८ गते हुनेछ । प्रतियोगिताको विजेताले ४० हजारसहित ट्रफी प्राप्त गर्ने गर्नेछ । यस्तै उपविजेताले २० हजार रुपैयाँ प्राप्त गर्नेछ । विधागत उत्कृष्ट खेलाडीहरुलाई पनि पुरस्कारको व्यवस्था गरिएको छ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै