चितवन । यहि असार २९ गतेबाट देशैभर प्रदर्शन हुन लागेको चलचित्र ‘बगान’को निर्माण पक्ष चितवन आइपुगेको छ । प्रचारप्रसारका लागि चलचित्र निर्माण गर्ने टोली आज यहाँ आइपुगेको हो । चलचित्र ‘बगान’ एकल महिलाले निःशुल्क हेर्न पाउने छन्। तर, त्यसको लागि परिचय पत्र आवश्यक पर्ने छ ।
चितवनमा शनिबार आयोजित पत्रकार सम्मेलनमा बोल्दै चलचित्र निर्देशक सरोज खनालले एकल महिलाले कार्ड लिएर हलमा गएमा शुल्क नलाग्ने बताए ।हरेक घरका महिलाको दुख, समस्या र त्यसको समाधान सहितको फिल्म प्रदर्शन गर्न लागेको उनले बताए। लामो समयसम्म चलचित्रमा अभिनय गरेका खनालले पहिलो पटक चलचित्रको निर्देशन गरेका हुन् ।
कार्यक्रममा बोल्दै करिष्मा मानन्धरले ‘बगान’ले फिल्म क्षेत्रमा क्रान्ति गरेको बताइन् । सन्देशमुलक चलचित्र बनेकोले हलसम्म आएर हेरिदिन उनले आग्रह गरिन्। निर्देशक सरोज खनाल र चलचित्रमा एकल महिलाको भूमिकामा देखिएकी करिष्मा मानन्धरसँग जोडिएर काम गर्न पाउँदा धेरै सिक्ने अवसर मिलेको नव कलाकार प्रमिला कार्कीले बताइन् ।
आफु विश्वविद्यालयमा नै प्रवेश गरेको अनुभव गरेको उनले बताइन् । सुरेश वाग्लेको निर्माणमा बनेको फिल्ममा निर्देशक खनाल, करिश्मा मानन्धर, आकाश श्रेष्ठ, नीर शाह, वसुन्धरा भुसाल लगायतका कलाकारको अभिनय रहेको छ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.