चितबन । गण्डकी प्रदेश ट्राफिक कार्यालयले प्रदेशका ११ जिल्लामा नमस्कारसहित सोधपुछ अभियान सञ्चालनमा ल्याएको छ । प्रहरीले गत भदौ १४ गतेदेखि ट्राफिक प्रहरीले चेकजाँचको क्रममा सवारीचालक तथा आम नागरिकहरुलाइ नमस्कारसहित सोधपुछ गर्नुपर्ने अभियान सञ्चालनमा ल्याएको छ । हल्कारो समाचारसँग कुराकानी गर्दै गण्डकी प्रदेशका ट्राफिक प्रहरी प्रमुख प्रभु ढकालले प्रदेशमा ट्राफिक प्रहरी र आमनागरिकको सम्बन्ध थप प्रगाढ बनाउन, प्रहरीलाइ शिष्ट र सभ्य बनाउन यो अभियान सुरु गरिएको बताए । उनले भने ‘ट्राफिक प्रहरीले सवारी चालकलाइ नमस्कारसँगै शिष्ट भएर प्रश्न गर्नेछन र आवाश्यक कानुनी कारबाही पछि नमस्कार सहित नै बिदा गर्नेछन्’ । ढकालका अनुसार प्रदेश ट्राफिकको निर्देशनमा प्रदेशका सबै जिल्लामा निर्देशनको कार्यान्वायन भइसकेको छ । उनले जिल्लाका विभिन्न ठाँउमा हुने चेकिङ्ग तथा सोधपुछमा अब ट्राफिक प्रहरीले अझ प्रधाबकारी तवरले प्रस्तुत हुने बताए । साथै उनले दुर्घटना न्यूनीकरण गर्न प्रदेशमा नो स्पिड र नो ओभरटेक लगाएतका नियमहरु सञ्चालनमा आएकोे बताए । हाल विभिन्न स्थानहरुमा नो स्पिड, नो ओभरटेक नियमसहितको संकेत बोर्ड पनि राखिएको छ । यस्तै उनले ड्युटिमा खटिएका प्रहरी सामाजिक दुरी र स्वास्थ्य सुरक्षाका उपायहरु अनिवार्य अबलम्बन गर्दै कोरोना रोकथामका लागि विभिन्न कार्यक्रम समेत गर्दै आएकोे दाबि समेत गरेका छन् । उनले आगामीे दिनमा सडक दुर्घटना न्यूनीकरणको लागि नागरिक सचेतना, नागरिक र ट्राफिक प्रहरीबिचको सम्बन्ध थप प्रभाबकारी बनाउदै जाने बताएका छन् ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै