काठमाडौं: चैत ४ गते कतार एयरको फ्लाइट नम्वर क्युआर ६५२ बाट नेपाल आएकी किशोरीमा कोभिड-१९ को संक्रमण देखिएको छ।
पाँचौं केस हो। स्वास्थ्य मन्त्रालयका प्रवक्ता डाक्टर विकास देवकोटाका अनुसार चैत ४ गते क्युआर ६५२ बाट बेल्जियमबाट कतार हुँदै आएकी २१ वर्षिया महिलामा कोभिड-१९ को संक्रमण देखिएको हो।
यसअघि नेपालमा दोस्रो केसको रुपमा सोही एयरबाट काठमाडौंकी १९ वर्षिया किशोरीमा कोभिड-१९ को संक्रमण देखा परेको थियो।
अहिलेसम्म टेकु अस्पतालमा ८७५ टेस्ट भएका छन्। जसमध्ये पाँच जनामा कोभिड-१९ को संक्रमण फेला परेको छ। चार जना आइशोलेशनमा राखेर उपचार भइरहेको छ। एक जना विरामी उपचारपछि फर्किसकेका छन्।
हाल टेकु अस्पतालमा १० जना विरामी रहेका छन्। जसमध्ये ४ जना आइशोलेसनमा छन्। आइशोलेसनमा रहेका विरामी मध्ये दुई जना कोभिड-१९ बाट संक्रमित हुन्।
हिजो मात्र कोभिड-१९ को चौथो केस पत्ता लागेको थियो। धनगढीका एक युवामा संक्रमण देखिएको थियो। उनी २० मार्चमा भिस्टारा एयरबाट दिल्ली हुँदै नेपाल आएका थिए। उनी दुबईबाट इमिरेट्स एयरबाट दिल्ली ओर्लिएका थिए।
यता स्वास्थ्य मन्त्रालयले एउटा कल सेन्टर थप्ने भएको छ। प्रवक्ता देवकोटाका अनुसार १११५ नं कलको सेन्टरलाई नियमित गर्दै ११३३ नं को कल सेन्टर थप्न लागिएको छ। हालसम्म कल सेन्टरमा ६ हजार बढी कल आएका छन्।
कलसेन्टरलाई विस्तार गर्दै २४ घण्टा चिकित्सकीय सेवासमेत राखिने उनले जानकारी दिए।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.