चितवन ।  चितवन जिल्ला क्रिकेट संघको आयोजनामा संचालन भैरहेको चार जिल्ला सम्मिलित भिजिट भरतपुर २०२४ टि-ट्वान्टी सिरिजको उपाधीका लागी मकवानपुर र चितवन भिड्ने भएका छन । आज भएको लिग चरणको अन्तिम खेल सकिएपछी चितवन अंकतालिकाको शिर्ष स्थानमा रहदै र मकवानपुर नेट रनरेटका आधरमा दोस्रो स्थानमा रहदै फाइनलको यात्रा तय गरेको हो । मकवानपुरले पर्सालाई ७ विकेट र चितवनले नवलपुरलाई ३५ रनले हराउदै फाइनलमा स्थान बनाएका हुन् ।

आजको पहिलो खेलमा भरतपुर १५ स्थित गौतम बुद्ध अन्तर्राष्ट्रिय क्रिकेट रंगशालाको नमुना मैदानमा टस जितेर पहिला ब्याटिङ गरेको पर्साले निर्धारित २० ओभरमा ९ विकेट गुमाएर १ सय ४० रन बनायो । पर्साका लागि नस्रुदिन अन्सारीले १६ बल खेल्दै १ छक्का र ३ चौकासहित सर्वाधिक २६ रन बनाए । सुरज कुर्मी र चन्दन रामले समान २४ रन जोडे ।

बलिङमा मकवानपुरका रिजन ढकालले ४ ओभरमा ६ रन खर्चिएर ४ विकेट लिए । असिम श्रेष्ठ, साकार गजुरेल, रोहित ठाकुर र इर्फान अलीले १/१ विकेट हात पारे । १ सय ४१ रनको लक्ष्यसहित जवाफी ब्याटिङ थालेको मकवानपुरले १४ दशमलव ५ ओभरमा ३ विकेट गुमाउदै लक्ष्य पूरा गर्यो । मकवानपुरको जितमा ओपनरद्वय गौरव खड्का र सुभ कंसकारले १ सय ७ रनको शतकीय साझेदारी गरे । ३६ बल खेलेका सुभ कंसकारले ७ छक्का र ३ चौकाको मद्दतमा ६७ रन बनाउदै आउट भए । अर्का ओपनर गौरव खड्का ३६ बलमा ५ चौकासहित ४१ रनमा नटआउट रहे । बलिङमा पर्साका सैफुल्लाह अन्सारी र साम्सद अन्सारीले एक/एक विकेट लिए ।

मकवानपुरलाई जिताउन अर्धशतक प्रहार गरेका सुभ खेलको प्लेयर अफ द म्याच भए । आजको दोस्रो खेलमा चितवनले दिएको १ सय ५४ रनको लक्ष्य पछ्याएको नवलपुर ११ बल बाँकी छदा १ सय १८ रनमा अलआउट भयो । नवलपुरका लागि २५ बल खेल्दै कमल परियारले ५ छक्कासहित सर्वाधिक ४० रन बनाए । १८ बल खेलेका अभिनाश सापकोटाले ३ छक्का र १ चौका प्रहार गर्दै ३० रन जोडे । बलिङमा चितवनका संघर्ष पौडेलले ३, नरेश प्रधान र दिवस आचार्यले २/२ तथा दिपेश श्रेष्ठ र देव शाहले १/१ विकेट लिए ।

त्यसअघि टस जितेर पहिला ब्याटिङ गरेको चितवनले निर्धारित २० ओभरमा ६ विकेटको नोक्सानीमा १ सय ५३ रनको योगफल तयार पारेको थियो । चितवनका लागि ओपनर साकार ढकालले आक्रामक सुरुआत दिदै १० बलमा ४ चौका प्रहार गर्दै २२ रन जोडे । अर्का ओपनर बिकल गुप्ता २४ रन बनाउदा अपरिचित पौडेलको बलमा क्लिन बोल्ड भए । त्यसपछि मध्यक्रममा प्रतिक श्रेष्ठ र दिपेश श्रेष्ठले ५३ रनको साझेदारी गर्दै चितवनको पारी सम्हालेका थिए । ४८ बल खेल्दै प्रतिकले ५ छक्का र ३ चौकाको मद्दतमा ६४ रन जोडे ।

२२ बलमा २ छक्का र १ चौका प्रहार गरेका दिपेश श्रेष्ठ २४ रन बनाउदा कमल परियारको बलमा एलबिडब्लु धरापमा परे । बलिङमा नवलपुरका कमल परियार, अभिनास सापकोटा, शिशिर भुषाल र अपरिचित पौडेलले समान १ विकेट लिए । अर्धशतक प्रहार गरेका प्रतिक श्रेष्ठ खेलको प्लेयर अफ द म्याच बने । प्रतियोगिताको फाइनल खेल भोलि बिहान १० बजेदेखि सुरु हुनेछ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै