भरतपुर । भरतपुरको कल्याणपुरस्थित स्मल हेभन स्कुलमा नवौं अन्तर विद्यालय एथ्लेटिक्स मिट सुरु भएको छ । ‘स्पोर्टिङ बडी, स्पोर्टिङ माइन्ड’ भन्ने नाराका साथ आज (शनिबार) बाट सुरु भएको नवौं संस्करणको एथ्लेटिक्स मिटको बागमती प्रदेशका उद्योग, वाणिज्य, भूमि तथा प्रशासन मन्त्री रामकृष्ण चित्रकारले उद्घाटन गर्नुभयो । सो क्रममा मन्त्री चित्रकारले संस्थागत विद्यालयको रुपमा स्मल हेभनले देशको शैक्षिक क्षेत्रलाई उकास्न महत्वपूर्ण भूमिका खेलेको बताउनुभएको छ ।

संस्थागत विद्यालयको रुपमा शिक्षा क्षेत्रमा स्कुलले गरेको योगदान प्रशंसनीय रहेको उहाँले बताउनुभयो । उहाँले स्कुलले आयोजना गरेको एथ्लेटिक्स मिट खेलाडी उत्पादनमा कोशेढुङ्गा साबित हुने समेत बताउनुभयो । मन्त्री चित्रकारले स्कुलले गर्ने यस्ता क्रियाकलापले चितवनको पहिचानलाई सिङ्गो देशभर पुराउन मद्त मिल्ने विश्वास व्यक्त गर्नुभयो । सरकारले शिक्षामा ठूलो लगानी गरे पनि अझै यथेष्ट नभएको उहाँको भनाइ थियो । सरकार र निजी क्षेत्रको लगानीमा देशको शैक्षिक क्षेत्रलाई माथि उठाउन पर्नेमा उहाँले जोड दिनुभयो ।

प्याब्सन चितवनका अध्यक्ष किर्तीनिधी अर्यालले विद्यार्थीहरु किताबी ज्ञानमा मात्र नभई विभिन्न क्षेत्रमा अब्बल हुन आवश्यक रहेको बताउनुभयो । स्कुलले आयोजना गर्ने यस्ता कार्यक्रमले विद्यार्थीहरुलाई आफ्नो रुची अनुसारको क्षेत्रमा अब्बल हुन महत्वपूर्ण भूमिका खेल्ने उहाँको भनाइ थियो । यस्तै उहाँले सरकारले समेत गर्न नसकेको यस किसिमको कार्यक्रम निजी लगानीको एउटा विद्यालयले गरेको भन्दै प्रशंसा गर्नुभयो । यसले तिनै तहका सरकारलाई चुनौती दिएको उहाँको भनाइ थियो ।

यस्तै उहाँले शारीरिक र वौद्धिक बिकासका लागि खेलकुद आवश्यक रहेको समेत बताउनुभयो । विद्यालयका प्राचार्य रामचन्द्र न्यौपानेले एथ्लेटिक्स मिट चितवनमा विद्यलाय स्तरमा हुने खेलकुद प्रतियोगिताकै नमूना भएको समेत दाबी गर्नुभयो । न्यौपानेले विद्यालयले स्थापनाकालदेखि नै गुणस्तरीय शिक्षामा जोड दिँदै आएको बताउनुभयो । किताबी ज्ञानसँगै अतिरिक्त क्रियाकलापमा पनि विद्यालयले बिशेष जोड दिँदै आएको उहाँको भनाइ थियो । विद्यलायमा आयोजित एथ्लेटिक्स मिट त्यसैको एउटा नमूना भएको उहाँले दाबी गर्नुभयो ।

कक्षा १२ सम्म पठन-पाठन हुँदै आएको स्मल हेभन देशकै एक नमूना विद्यलायको रुपमा स्थापित रहेको छ । पौष २ गतेसम्म हुने एथ्लेटिक्स मिटमा जिल्लाभरका ३८ संस्थागत विद्यालय सहभागी छन् । सहभागी खेलाडीहरुले बिभिन्न १२ विधामा प्रतिस्पर्धा गर्नेछन् । पुरुषतर्फ एक सय, दुई सय, चार सय, आठ सय र एक हजार ५०० मिटर र ३ किलोमिटर दौड हुनेछन् । यस्तै चार गुणा सय मिटर रिले, चार गुणाचार सय मिटर रिले, सट पुट, लङ्ग जम्प, ट्रिपल जम्प र टग अफ वार पनि हुनेछ ।

यस्तै महिलातर्फ एक सय, दुई सय, चार सय, पाँच सय, आठ सय र एक हजार ५०० मिटर र ३ किलोमिटर दौड हुनेछ । यस्तै चार गुणा सय मिटर रिले, चार गुणा चार सय मिटर, सट पुट, लङ्ग जम्प, कबड्डी र बास्केटबल हुनेछ । यी खेलहरुमा महिला र पुरुष दुबैतर्फ १२/१२ स्वर्ण, १२/१२ रजत र १२/१२ कास्य पदकका लागि प्रतिस्पर्धा हुनेछ । विद्यालयले हरेक दुई-दुई वर्षमा यस प्रतियोगिया आयोजना गर्दै आएको छ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै