चितवन । रत्ननगर नगरपालिका वडा नम्वर १ मा रहेको लाइसियम इन्टरनेशनल मोडल स्कुलले विहिवार विद्यालयमा अध्ययनरत विद्यार्थीहरुका लागि एक दिवशिय निशुल्क दन्त सिविर कार्यक्रम सम्पन्न गरेको छ ।

चितवन मेडिकल कलेजको चिकित्सकिय तथा प्राविधिक सहयोगमा सञ्चालित कार्यक्रममा चितवन मेडिकल कलेजका तर्फबाट उपस्थित ११ जना चिकित्सकहरुको नेतृत्व गर्नु भएकी डेन्टल सर्जन डा. अस्मिता वरालले विद्यालयका ५२० जना विद्यार्थीहरुको दाँत स्क्नििङ्ग गरिएकोमा २४८ जना विद्यार्थीहरुको थप परीक्षण गर्नु पर्ने देखिएको वताउनु भयो भने ३० दिन भित्र विद्यालयमा परीक्षण गरको टिकट सहित चितवन मेडिकल कलेजमा उपस्थित हुने विद्यार्थीलाई २० प्रतिशत देखि ५० प्रतिशत सम्मको छुट सुविधा उपलब्ध हुने जानकारी समेत गराउनु भयो ।

उक्त कार्यक्रममा कक्षागत रुपमा विद्यार्थीहरुको दाँच स्क्नििङ्ग गर्नुका साथै मुख स्वास्थ्य सम्वन्धमा सैद्धान्तिक तथा व्यवहारिक प्रशिक्षण समेत सञ्चालन भएको थियो ।

उक्त कार्यक्रममा विद्यालयका प्रवन्ध निर्देशक सन्तोष पन्तले विद्यालयले आवधिक रुपमा बालबालिकाहरुको स्वास्थ्य चेकजाँच गर्ने समय तालिका बमोजिम नै कार्यक्रम सञ्चालन भएको र यस अघि निको बाल अस्पतालको सहयोगमा स्वास्थ्य परिक्षण, मनकामना अस्पतालको सहयोगमा स्वास्थ्य परीक्षण, भरतपुर आँखा अस्पतालको सहयोगमा आँखा परीक्षण आदि कार्यक्रम सञ्चालन भई सकेका र आगामी वर्ष पनि यस्ता कार्यक्रमलाई निरन्तरता दिईने वताउनु भयो भने विद्यालयका प्रधानाध्यापक शंकर पौडेलले विद्यालयले अनुरोध गर्दा चिकित्सकिय तथा प्राविधिक सहयोग गर्नु हुने सबै स्वास्थ्य संस्था प्रति हार्दिक आभार प्रकट गर्नु हुँदै आगामी दिनमा पनि निरन्तर सहयोग र सहकार्यको अपेक्षा गर्नु भयो ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै