चितवन  । चितवनमा रगत अभाव भएपछि रक्तदान गरिदिन अपिल गरिएको छ । नेपाल रेडक्रस सोसाइटी जिल्ला शाखा चितवनले रगत अभाव भएकाले रक्तदान गरिदिन अपिल गरेको हो । सोसाइटीका सभापति हरिप्रसाद पौडेल र मन्त्री राममणी खनालले सोमबार एक अपिल प्रकाशित गर्दै जिल्लाका अस्पतालहरुमा दिनहुँ उपचार गर्न आउने बिरामीको संख्या बढ्दै गएको र हाल गर्मी मौसमका कारणले रक्तदान कार्यक्रम कम हुन गएको उल्लेख गर्नुभएको छ ।

अपिलमा भनिएको छ “रगतको माग हाल अत्याधिक बृद्धि भई माग अनुसार रगत आपूर्ति गर्न कठिनाई भएकाले रगतको अभावमा बिरामीलाई जीवनदान दिन सम्पूर्ण रक्तदाता महानुभावहरु, रक्तदान गर्ने संघ संस्थाहरु, रेडक्रसकर्मीहरुमा रक्तदान कार्यक्रमको आयोजना गरिदिनु हुनका लागि हार्दिक अपिल गर्दछौं ।”

रक्तदान गर्न ईच्छुक महानुभावहरुले प्रादेशिक रक्तसञ्चार केन्द्र भरतपुर लगायत मातहतका रक्तसञ्चार युनिटहरुमा गई रक्तदान गरी सहयोग गर्न समेत अपिल गरिएको छ । रक्तसञ्चार केन्द्र भरतपुर मातहत क्यान्सर अस्पताल, चितवन मेडिकल कलेज, बघौडा अस्पताल, रत्ननगरमा ईकाई रहेका छन् । प्रादेशिक रक्तसञ्चार केन्द्र भरतपुरका प्रमुख रमेश पौडेलले विगतमा पनि गर्मी मौसममा यो समस्या आउने गरेको भन्दै भन्नुभयो “गर्मीमा बिरामीको संख्या बढी हुन्छ, रक्तदान कार्यक्रम कम हुन्छन्, रगत व्यवस्थापन गर्न निकै कठिन भएको छ ।”

उहाँले गर्मी मौसममा पनि स्वस्थ मानिसले रगत दिन मिल्ने बताउनुभयो । उहाँले क्यान्सरका बिरामी, शल्यक्रिया गर्नुपर्ने बिरामी, प्रसुती सेवा लिने बिरामी, मृर्गाैलाको डाईलासिस गर्नुपर्ने बिरामीलाई बढी मात्रामा रगत चाहिने जानकारी दिनुभयो ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै